2008年8月22日星期五

コードギアス 反逆のルルーシュ R2 - Turn 17-19

吓!!!  原來連第17集都未寫,真是愧對suzaku...  (感想都唔係好記得...)


turn 17


雖然suzaku踩住lelouch個頭,但其實係測試lelouch是否真係想救nunnally,而且他睇得出lelouch有心隱瞞真相,所以之後他說"以zero的身份來完結戰爭",就是有原諒lelouch的意思。  不過,可惜二皇子從中作梗,破壞二人難得和好的機會,還令lelouch對suzaku撤底失望。


不過,lelouch都早有準備。  原來橙兄打電話俾gilford,就係約佢出來被lelouch施geass。  當lelouch做某個動作時,gilford就會把他當成cornelia!


二皇子亦因此知道geass的事。


turn 18


kallen被困太耐,一出場當然要一顯身手,加上那個被布丁博士 & 女助手改到七彩的紅蓮聖天八極式(!?),只用6成力就已經所向無敵!  輕易就叮走那個吸血鬼騎士(?)。


不過最令人驚訝的還是那個超大便當!


明明suzaku是打算死也不用那個Freya彈,但偏偏就係kallen要殺suzaku,lelouch那個”活下去”的geass發動,他別無選擇之下發射了freya,kallen避開,它擊中了總督府,nunnally、咲世子、千葉 & gilford就消失在那團閃光中。


一切都是有因才有果,nunnually就是間接被lelouch害死。


可能因為大家都知道suzaku是因為geass才發射freya,所以大家都不太責怪他,反而認為suzaku & lelouch最重視的人都被對手殺死,是命運安排。


nunnally & 咲世子都是重要角色,明明應該還有戲份,但就咁樣毫無舖排下領便當退場,真係很難令人接受。  (完全沒有她們死了的真實感)


gilford到死那刻仍以為lelouch係cornelia,也太可憐了!


**本來官網都寫”生死不明”,不過播完第19集之後已改為”死亡”,因為19集入面已經好清楚講明,freya殺掉了幾千萬人,在中心位置的nunnally無可能冇事。  但是不排除nunnally會以其他方式出現! **


turn 19


之前埋下黑騎對zero的不信,加上lelouch因為nunnally而失控,終於被二皇子輕易利用,令黑騎背叛zero。  其實我覺得二皇子已經對geass有點認知,只是沒有實質證據,如果唔係,冇可能可以係知道geass的事的一日內就搜集到中了geass的人的資料。  不過二皇子真是太強了,口才絕對比lelouch好,先是擦玉城鞋,之後再加上一句”唔知自己有冇中geass”的好演技,就令黑騎完全相信他(雖然那些真的是事實)。  但是黑騎真的認為二皇子會守信用,只要交出zero就會得回日本!?


估唔到roro會捨命救lelouch,明明lelouch已講明自己討厭他,多次想殺他,但就因為lelouch,才可以令由小到大都被當成殺人功具的roro嚐到身為”人”的滋味。  明明是他殺死shirley,但偏偏又為了他的犧牲而傷心,連lelouch都放下仇恨,staff們對他很好呢! (hitomi的插入曲!!!)


kallen應該會找lelouch吧!  她會幫忙照顧cc嗎?


最後在空地上站了一天的suzaku大聲奸笑,到底他想點呢? (有不祥預感)


一直都覺得suzaku最後會領便當呢!  希望他都好似roro咁有漂白的機會。


2008年8月18日星期一

一週動畫雜感 (11-17/8/08)

少年陰陽師 (#25-26) 


播完了。  風音真係死咗呀!!!  不過,後來上網查過,風音因為係道反大神的女兒,所以會復活(珂神篇?),但台灣中文版小說只出到風音篇,有排都未到珂神篇。  昌浩為了救紅蓮而決定犧牲自己,但到最後都被他已過身的嫲嫲說服反回人間。  雖然這是好事,但睇起來就好似係昌浩仍對”生存”有留戀,其實應該可以用更好的方式來表示這只是”神的試煉”。  現在只好等第二輯。


金色琴弦 (#1-2)


都估到又係只可以聽粵/國語(因為係有線)。 所有男角都配得很恐怖!!!  月森好似係男主角,但上網睇別人寫的最新連載(漫畫)就完全唔覺月森&香穗子會是官配!


王牌投手 振臂高揮 (#13-14)


第14集開始轉op2 & ed2,雖然ed2都幾好聽(由sunset swish主唱),但4首入面依然係dramatic(op1)最好聽。  夏季大賽正式開始,第一局上半部西浦未能得分,下集就由西浦守,三橋正式亮相!!!  雖然阿部可以令三橋有自信,但田島就跟三橋最夾,可以解讀三橋的心理。 媽媽們都來打氣。  濱田留級的真正原因係???


彩雲國物語  


暫停


火影忍者


暫停


魔法小神童加旋


暫停


創聖之aquarion (#19-20)


到底係作畫崩壞,還是有意?  整集的人物都是扁口扁面,圓頭圓身,實在太恐怖!


S A特優生 (#19)


SA入面我最喜歡的配對竟然係八尋 & 芽!!!  芽終於開口講野!!!  光發燒=發花癲!!!  彗為了避開她,要避到上屋頂!!!


soul eater (#19)


死神大人真是個超樂觀主義者。 今集突然有某個學生多咗好多對白。 博士 va日美杜莎,似乎不表樂觀。 瑪卡不聽博士的指示,要代替black star對付古洛那,以報一戰之仇,這樣做會否影響結果呢?


macros frontier (#19)


今集標題係”三角關係”,果然3人的關係開始明朗化(即是表面化!?)


開始時的回憶畫面本來都好順眼,但突然出現好多眼(?)望住ranka,就覺得好恐怖。


金髮美少年跟ranka的互動多咗!  大哥的拍拖約會只是為了調查?  好可惜呢!  連米學長都跟柯蘭約會!?  其實米學長只是因為工作關係(隨時冇命機師,才會對戀情不認真/長久,有花花公子的錯覺,他本質可能好專一!


公主的義兄原來都好腹黑呀!!!  雖然曾經得到觀眾歡呼讚賞,係會因而迷戀舞台。  不過,這說法只會對雪露有效,公主應該都係飛行排首位。


公主 & 雪露都係口不對心的人,明明可以好好咁傾,無端端又會哎交。所以米學長&柯蘭就去點明他們。 


最後那幕,感覺好似上好似已經表明咗公主的選擇,但咁快就有決定,似乎之後會有變數呢!  其實我覺得可能只是一場誤會,雪露可能因為身體弱暈倒,而公主就扶住佢,但就咁o岩俾ranka見到!


米學長知道路卡暗中進行緊某些事!?  冬菇頭竟然要暗殺總統!!!  小愛係vajra的幼蟲!!!  下集,frontier又被vajra襲擊!


maaya的op1當了今隻的特別版ed,真係好貼題。


ranka又有新歌,聽說ost2會係10月出,唔知有咩歌呢?  至於op2+ed2就8月20日出,但點解今日已經係信和見到有現貨買!?


world destruction 世界撲滅之六人 (#6)


雖然有maaya,但戲情有點悶,想cut。 當初係因為聽說只有13集,才會睇的。


~~~

據說tvb會係8月30日(星期六)上午播gundam 00! 噢!  睇唔睇好呢?

2008年8月15日星期五

8月未過,已經望緊10月秋番!!!

雖然8月才過了一半,但有關10月秋番的消息已經陸續出爐,以下是暫時最吸引我的新番。


日劇


二宮和也 + 錦戶亮 + 戶田惠梨香 + 東野圭吾



流星之絆


這個組合真是好吸引呀!!!  (注目度可以比得上"last friend")  惠梨香連續兩季有日劇出,錦戶亮就隔咗一季,而二宮就好似隔咗成年才演日劇。  這套是改篇自東野圭吾(近期我最喜歡的作家)的最新作品(今年才出版,難怪之前未聽過!),是有關3兄妹的復仇故事。  二宮是大哥,錦戶是二哥,而惠梨香是無血緣的妹妹。 不過,消息已講明惠梨香是會愛上仇人之子!


官網: http://www.tbs.co.jp/ryuseinokizuna/


動畫


改篇自人氣女性向輕小說(!?)



伯爵與妖精


因為睇時裝書時,看見它的小說廣告,所以引起了興趣(因為是同一家出版社)。  原本有諗過6月去台灣的時候買,但原來它有十幾冊(不過中文版只出了7本),萬一覺得唔好睇咁點算。  幸好知道它會被動畫化,咁就可以先睇了才決定。  (而且原來在香港買仲平過係台灣買)


故事圍繞著妖精博士莉迪雅與號稱是傳說中的青騎士伯爵為中心,在19世紀的倫敦的舞台上展開的。除了有妖精們的活躍,加上懸念及打斗等,是極富娛樂性的一部作品。主角莉迪雅是位可以看見妖精並與他們溝通的女子,她的朋友是一只有點任性的妖精貓尼可。為了與父親見面,莉迪雅搭上了開往倫敦的船,在船上遇到了自稱為愛德格的男子,他宣稱自己是傳說中的青騎士伯爵,並委托莉迪雅協助找尋可以證明自己身份的寶劍,盡管他的形跡可疑,莉迪雅還是與他簽訂契約...


聲優沿用drama cd的cast: 綠川光、水樹奈奈、優希比呂、杉田智和、子安武人 & 神谷浩史 (好豪華!)


中文小說版出版社blog: http://blog.roodo.com/ching_win_comic/ (只要打上書名去search就可以找到試閱版)


動畫官網: http://www.myfairy.tv/index.html


maaya聲演正太!?



黑執事


係維基查maaya的時候,見到她的作品多了這個項目,於是上網找資料,故事如下:


凡多姆海伍家主人謝爾·凡多姆海伍與管家(執事)賽巴斯欽·米卡艾利斯的日常生活, 以及揭開隱藏在平常表面下的黑社會的黑幕的故事。 故事背景設定於19世紀英國維多利亞女王時期,以華麗的風格描繪。


估唔到maaya竟然會配任性死小孩角色,好像是第一次呢!  她近來的作品好似好極端!


原作漫畫只出4期(有錯請更正),動畫可以拍幾多集呢?  雖然這套不是真正的BL,但據說是會有令人(腐女)胡思亂想的地方。


官網: http://www.kuroshitsuji.tv/


2008年8月12日星期二

一週動畫雜感 (4-10/8/08)

少年陰陽師 (#23-24) 


這兩集最好睇嘅係昌浩的黑色陰陽師服,以及六合&風音!!!  風音唔好有事呀!!! (雖然好似真係凶多吉少)  六合的真名係”彩輝”!!!  而且只係話俾風音一個人知!!!


王牌投手 振臂高揮 (#11-12)


夏季大賽抽籤會,三橋竟然係厠所因為冇厠紙而與榛名相遇!!!  還以為榛名知道是阿部打電話給三橋後,會搶電話來聽。  花井真是太冇抽籤運,竟然一抽就抽到桐青,第一場就要對上屆冠軍,真係好黑仔!!!  全隊人的反應都好得意,雖然認為係冇可能贏,但又冇話驚到完全失信心。  係橙汁教練的指導下,大家都為比賽進行辛苦的特訓。  三橋的兒時朋友兼現在的同班同學濱田,為球隊成立應援團。  下集夏季大賽開始,好令人期待!!!  榛名會去看阿部比賽嗎?  (已經決定要找原音)


彩雲國物語  


都因為奧運而暫停


火影忍者


暫停


魔法小神童加旋


暫停


創聖之aquarion (#17-18)


突然有一天所有可以吃的東西都消失,都真係幾恐怖!蓮娜究竟是什麼生物?  唔係吸血鬼咁簡單。  終於轉op,畫面比op1好很多,歌就op1好少少(只是少少)!


S A特優生 (#18)


明終於都向宙表明心意,原來明&宙自小已認識。   


soul eater (#18)


決戰前一刻!  死人老師原來未死,仲係被困住的一刻把博士 & 瑪卡等人救出。  原來鬼神就被囚禁於學校下面。


macros frontier (#18)


終於都轉新op,由雙歌姬合唱,曲詞均非常激昂,是為了配合開始進入高潮的情節吧!  畫面雖然在強調三角關係,但主要都係以雙歌姬為主,公主只係得幾個鏡頭,但已比其他角色連影都冇好。  有個畫面係雪露沉入水裡,令人有點擔心。


經理人好腹黑呀!!!  雪露原來有不治之症!!!  經理人十幾年相樣都冇變,應該會引起米學長&柯蘭的疑心。  ranka媽媽都有份與疾病參研究!?


這個世界實在太跟紅頂白啦!  雪露太受打擊,雨中留落街頭,還以為是公主找到雪露,但點知原來係公主的義兄(還以為他不會再出場呢!)。  他帶走雪露只為要迫公主回家!?


雖然ranka成功幫frontier進行超長距離fold,不過似乎仍未可以擺脫vajra!



新op中,最喜歡的畫面


world destruction 世界撲滅之六人 (#5)

今集可說是gundam系列舊生聚會,古谷徹、池田秀一、飛田展男、進藤尚美、maaya & 宮野真守bear!

2008年8月8日星期五

the brilliant green ~ enemy CD入手


之前入手的台版 (舊年?)  tommy這個造型好靚,頭戴兩頂小禮帽,既有點可愛又成熟!!!  (真係唔似3字頭!)


歌方面,我覺得"enemy"的intro好似"冷花"!



兩位男隊員都好型!


跟之前"stand by me"一樣,cd後面是拍攝花絮的相片。


現在只欠gundam 00 op2 "ash like snow"的cd未買。  好似冇台版!?


見到二手店有初回限定版,但價錢太貴,冇買。