超級零零狗 : 王祖藍搶鏡

新年第二套戲，又是動畫，冇辦法，今年新春的真人電影冇一套吸引。

論娛樂性，這套絕對比波兒多好多。  畫面豐富，對白搞笑，故事亦不太簡單。

開始時好似在看科幻特技片，真是以為自己睇錯戲。  零零狗的背景好似占基利的”真人show”，大家都是被人騙困在一個虛假世界，身邊的人&事全都是假的。 

一眾配角的表演非常突出。  當中最突出的當然是倉鼠，除了因為本身角色 & 對白夠出位外，王祖藍的生鬼配音亦是主因。  基本牠一出場就必定笑爆全場。 貓貓都配得好好，但牠的配音是到了晚上睇獎門人的時候才想起是劉玉翠。 

另外，那群白鴿 & 那個四眼經理人都好搞鬼。  反而主角零零狗受角色所限，表演不夠突出。  佩佩的配音是否欣宜?  好像有見過她宣傳。  這套沒有好似”荒失失奇兵” & “波兒”在完結時播香港配音名單，搞到唔知係邊個把聲。

還有，本片的電腦製作技術很厲害，做到佩佩的頭髮好似真的一樣，好柔軟順滑呢!

雖然這套好笑又好睇，不過，就唔覺得它有訊息想表達。 (是天生我才必有用?  or 純粹主人 & 寵物之間的愛!?)

p.s. 電影開始前有一段”反斗車王: 東京飄移王”的短片，好好笑，而且仲用返之前電影廣東話版的演員來配呢!  (連外國人都已經把”東京”=”飄移”呢!)