免費咕哩

上星期五公司搬新office，所以上星期除了忙本身的工作外，還要忙搬office的事 (收拾、發搬遷通知...)。

因為星期五下午才收樓，星期六9點就要在新office上班，加上老細怕蝕底，要辦公時間後(6點後)才可以搬，即是我們只有一晚時間去搬。  亦由於只是樓下搬樓上，算死草的老細又點會請搬運公司，所以除了超大件傢私外，其他東西全部都由同事們負責搬。  首先是每人負責搬自己位的東西，之後就是搬公家的東西。  最後大家要12點幾1點才回家。  (幸好公司俾搭的士) 

總之那晚最辛苦的就是那5.5位男同事(0.5是代表某位超不負責的同事) + 1位仗義幫忙的同事的朋友 (他真是非常之幫得手，可惜連車馬費也沒有，老細超cheap)。

而我亦有幫手搬，在那個又熱又焗的倉庫，真係又熱又tired。 結果搞到現在兩肩&雙腳仍然痛到飛起。

明明那晚tired到飛起，但唔知係咪因為飲咗葡萄適，搞到4點先瞓得着。  第二天又要趕住9點前回到公司，所以那天超眼瞓。

搬新office後，我的坐位也不同了，不再坐近門口，位置都算頗自成一角，雖然不用被人打擾，但就上班下班都要經過老細房位，以前收工就可以一走了之，走咗都唔覺，現在就煩緊收工的時候要不要跟老細講byebye...