忙到冇朋友...

原本打算下星期跟朋友weekend去盤龍峽，因為我唔肯坐船，又嫌貴，所以朋友 & 她的媽媽就好落力地找合適的旅行團給我選。

但近兩個星期忙到嘔，旺季 + 搬office，已經差不多晚晚10/11pm走，見公司同事仲多過自己的家人。  就算帶工作回家做，都仲係好多工作behind schedule，俾客人催促，搞到阿頭俾老細鬧。  另外，本身已經唔夠瞓，昨晚仲要發惡夢，夢見自己多嘢做到所有嘢都塞死晒，冇一件工作完成得到。

所以難得的短週真係好想瞓多陣，但去盤龍峽的話，要8:15am在羅湖集合，仲早過平時返工起身，真係好辛苦。 

於是問下朋友10月去得唔得，但就被朋友鬧(用sms)，大意是她不能隨便請假(她返shift)，又有其他事要做，說我沒有體諒她之類。 

我當然知道自己唔o岩，所以立即say sorry(用sms)，兼說不用她遷就我，但她沒有回覆，不過，見她在msn寫"心情唔好，被人放飛機"，都唔知點好，原本我提議11月一起去日本，現在都唔知道她會不會去...