第二次做伴娘 (又名: 婚禮籌備心得)

上星期日是知心好友一號的結婚大日子，我這個未有得嫁的好朋友當然是做伴娘啦! 

一年內做了兩次伴娘都夠皮啦!  唔想再做第三次。  因為做伴娘真係好多嘢要記、要做，好疲倦!  而且今次仲好似辛苦過上次添!  (不過點都唔及新娘子咁忙!)

每次做姊妹/伴娘都會有d體會。  今次的得着就係"做得新郎/兄弟，就要預咗接新娘時要俾人玩"。

如果新郎/兄弟唔想玩一d太三 級/核突的遊戲，只要跟新娘講聲，再專告給姊妹們，我想姊妹們是會就住就住的。  (除非新郎/兄弟太乞人憎!)

而今次我們準備的遊戲絕對是小兒科 (但都有點難度，如果唔係段video會好悶)，只係要兄弟們戴bra，但他們咁都唔肯 (仲有做有違公德心的舉動)，就真係好唔專業，太令人失望。

另外，一對新人為免大婚當日掛一漏萬，真是要在結婚前把所有details交帶清楚給伴郎/伴娘/兄弟姊妹知道，最好在rundown上寫清楚，以免發生帶漏嘢、坐錯枱、撈亂男女家的人情...等等

p.s. 現在才知道原來有專門供應給婚宴用的可樂 & 啤酒!  千辛萬苦才拿了兩罐回家呢!