L’Arc~en~Ciel 20th L’Anniversary Tour 大阪LIVE 戲院直播

近年香港的戲院開始直播一些日本知名歌手/組合的演唱會/活動，不過，那些全都不是我有興趣的歌手/組合。 (原來除了一兩個大物歌手/組合之外，其他我喜歡的都不算是很有名)

 

雖然已決定明年3月去看laruku的World Tour香港站，但因為難得戲院會直播大阪場(Day 2)，所以還是決定入場。

 

我揀選的戲院是嘉禾旺角。  上網買票時是有點少混亂 (尤其是MCL)，開售後約半小時便已經全院滿坐。  但1小時後又會發現有頗多坐位放番出來，而且位置不錯。  所以我想如果在開售後幾分鐘內買不到自己心儀的地點&坐位，也先不用着急，耐心等待，之後便會再有票買。  (我原本看中的坐位，過了幾天之後才真正賣出呢!)

 

入場前有吹氣棒棒提供，應該是戲院方面安排吧!  (原來MCL是有問卷派發，填寫之後可以參加抽獎，獎品是明年World Tour香港站的$990門票呢!)

 

3:30pm開始入場，演唱會大約4pm才開始。  hyde一出場就是清唱「Fare Well」，然後加入弦樂伴奏，中段之後才加入樂隊其他成員的伴奏。  這次live tour安排了一隊弦樂團在舞台上伴奏，真是非常好的安排，無論是視覺及聽覺上也能帶給觀眾更完美的表演。  (一直也覺得弦樂在laruku的歌曲中是佔了一個很重要的部份呢!)

 

當唱第二首歌「Caress of Venus」，戲院內約8成觀眾都企咗起身。 

 

第一段mc，hyde用國語講”你好嗎?”的時候，戲院內全場歡呼呢!

 

唱「REVELATION」時先有3子坐車玩噴煙霧槍: tetsuya 玩得好開心，ken 玩得好投入(好似玩war game咁)，而yukihiro就一貫冷淡的態度，差不多全程坐着。  不過，最勁都係hyde，坐4人(?)大轎出場，被人抬住繞場一周，好似國皇啊!!!

 

之後接連唱「SEVETH HEAVEN」、「Driver's High」、「STAY AWAY」 & 「READY STEADY GO」真係high爆。

 

等encore時，終於見識到日飯玩人浪的場面，好似好好玩呢! 

 

之後，4子再出場唱「Anemone」，hyde、tetsuya & ken 3個人坐係弦樂團上面好型啊!!!  而且我覺得當時的螢幕畫面跟歌曲很配合，很靚啊!

 

然後，連唱兩首新歌「XXX」& 「CHASE」。  「CHASE」雖然只係聽咗幾次，但已經入晒腦。

 

接住是mc，ken先唱生日歌俾自己 (場面好搞笑)，然後講咗d同hyde有關嘅嘢。  (之後上網看report才知道是限制級內容(掩臉)，還好當時聽不懂)  還以為會看到四眼ken呢!  ( Day 1 的時候ken拿了一副眼鏡出來了戴一下)

 

雖然仲有3個星期先到聖誕節，但場外有好多女fans穿着非常之有聖誕氣氛，是不是因為她們知道laruku會唱「Hurry X’mas」呢?  (鹿仔好可愛!)

 

然後輪到hyde的mc，內容我估是跟20周年有關，知道有講album，又有講yukihiro (鏡頭影住yukihiro，係佢出現的最長時間，佢個樣有d尷尬，好可愛啊!)。  雖然聽唔明hyde講乜，但就知道台下的大阪觀眾反應好大，一時歡呼、一時大叫，全場一齊嗌真係大聲到耳聾。

 

演唱會正式結束前，(終於)輪到隊長tetsuya拋香蕉，那個籃子好像叮噹的口袋，拎極都仲有香蕉。

 

雖然演唱會已完結，但不論大阪還是香港的觀眾都仍然坐定定，乖乖看完「CHASE」的PV，應該是因為大家都知道之後會有大事公佈吧!

 

首先，大家期待已久的album終於有消息，仲要打孖上。  P'UNK-EN-CIEL會出第一張album，碟名好搞鬼，不知是否因為估到大家見近兩張single冇P'UNK-EN-CIEL version的歌，以為以後都冇P'UNK-EN-CIEL，所以碟名叫「P'UNK IS NOT DEAD」，話俾大家知”仲係度架”!

 

至於laruku的album就仍在製作當中，但12月26日會在ustream直播完成一刻(?) (新作完成の瞬間)。  不過，要看直播就要買12月21日發售的single「CHASE」，因為碟內有直播用的”access code”!!!  (咁咪要買日版囉!?)

 

最後是明年的World Tour，新增東京&大阪公演，預定5月舉行。  這次會否到Tokyo Dome呢?

 

後記

這次3個大螢幕，加上地下的螢幕，視覺效果做得好好，尤其是「Anemone」。  另外，其中有一個好似魚眼拍攝的畫面也很美。  而且畫面左下角竟然有將歌名show出來!  實在太體貼看直播的fans。

 

不過，我覺得鏡頭好少影yukihiro，hyde就影得好多(當然啦!)。  但這次4人好似好少互動，大家各就各位。  (5月味之素live，hyde 有同tetsuya合唱啊!)

 

好多人都話hyde唱「forbidden lover」有流一滴眼淚，還有唱「Anemone」時忘詞&睇貓紙，但我完全睇唔到啊!!!  明明螢幕那麼大 & 聲音那麼響…  為什麼我完全唔為意???

 

之前煲歌煲咗個幾星期，成效非常好，這次的song list的歌全部都識!

 

那天唱咗好多我好鍾意的歌，雖然冇「HONEY」 (因為Day 1唱咗)，但新加的「HEAVEN'S DRIVE」、「flower」、「DRINK IT DOWN」、「Driver's High」 & 「STAY AWAY」都係我勁鐘意的歌。  (當然「Caress of Venus」、「GOOD LUCK MY WAY」、「MY HEART DRAWS A DREAM」、「REVELATION」、「SEVETH HEAVEN」、「READY STEADY GO」&「虹」…etc我都好鐘意)

 

看直播演唱會的感覺就像到酒吧看足球直播一樣吧!  身邊有一大班有相同目的/興趣的人跟自己一同感受某個重要的moment，大家一同歡呼，一同high，氣氛一定比自己一個人安坐家中更投入、更興奮。

 

今次睇戲院直播已經覺得氣氛好正，現在已經非常期待明年3月3日的現場演出，到時一定會high爆!

 

P.S. 戲院內好像是女觀眾較多，有一班人，也有只兩個人，也有男女一同結伴觀看，不過，多數應該是男的陪女的前來。  我前面就有一個大叔在唱「ガラス玉」時瞓着咗，瞓咗起碼兩首歌的時間!!!  (個頭側埋一邊，就嚟掂到椅柄啦! 但身旁的女伴就差不多全程企係度)  另外，離開時前面有兩pair情侶，兩個女子好興奮地談論着明年要去日本睇live，身旁的兩個男子是完全冇聲出。