第四章 壞死
女子大學生之死，薰因發現死者身上有神秘紫斑，而有所懷疑。 薰同時請教湯川及大學研究生-田上。 湯川原本認為無可疑，但之後因田上的說話而起疑。 田上殺薰失敗，並且被湯川破解到他的殺人方法(超聲波，而且還要比田上的更加完美)。
~~~
嘩! 今集可說是湯川與田上的正邪大戰!
客串的香取慎吾真是十分搶眼
雖然今次是全靠薰的多疑才能破案，但她好像淪為搞笑角色呢! 而且她同樣有出浴場面，雖然畫面上只看到肩膀，不過，劇情是她被幾個男同僚睇了全相呢!
另外，助教栗林很可憐呢! 竟然當了20年助教，還要被湯川指派做冇乜實際功用的教材。
原本以為草薙難得出場會有多些戲份，可惜他只是出來跟湯川喝酒，聽他發嚧騷。
其實我非常唔明白，既然湯川被喻為天才/伽利略，點解現在只是副教授? 應用是教授吧! 莫非是因為他只顧替草薙破解疑案，而忽略學業!?
下集有大後壽壽花 & 好耐冇見的水野美紀。
~~~
香取表情集
久遠了的草薙
失禮，又搞笑，但又可愛的薰
彩雲國物語 (#25-26)
看着人妖對秀麗百般引誘，真是無眼睇! 
keroro軍曹 (#131-132)
giroro & dororo自從回想起小時候的尋寶經歷之後，友情變得非常之好，giroro會私下向dororo請教種蕃薯呢! 其實我覺得地球上最厲害的人應該是桃華的爸爸，而唔係夏美，只係為咗參加學校的運動會，就可以上宇宙，連keroro都唔係佢對手，財力 & 實力驚人得好誇張。 不過女生外向，爸爸的地位始終比冬樹低。
death note (tvb #23-24)
終於都去到逮捕火口，過程依然緊張刺激。
第三章 幽動
湯川找薰來幫助其學生的姊姊尋找失蹤丈夫。 原來毫無進展，但因為疑人所住的房子竟然會自己在震動，所以引起湯川的注意。 最後發現原來房子會動是因為共振原理 (房子正位於一條地下水道的排氣口上面，而下水道又連着一間工廠，工廠每晚都會向下水道排放熱水，因為犯人殺人後把屍體埋在氣孔上面，令洞口環境產生變化，導致洞口 & 房子的振動一致)
~~~
今集以薰為主角，湯川只是出來破解迷團。 薰跟一般新人一樣，就是一定會過份投入某件案件之中。 本來她對此案也無能為力，但因為那位姊姊的遭遇(不顧家人反對而結婚 + 有bb)，令薰對她產生同情之心，所以全力去調查。 但結果卻是令人哀傷。
湯川叫薰幫忙的本意是為了令其學生可以專心研究，還是真心想幫那位姊姊呢? 不過湯川對於把薰拉落水，搞到佢不能自拔，覺得要負起責任，就係出自真心的。
法醫官小姐似乎對於突然離家出走的男人非常憎恨，莫非...
湯川繼上集打璧來球後，今集輪到攀石，盡是在無意間表現魅力，搞到薰目定口呆。 不過他們都應該是無可能的吧!
今集客串的廣末，就算是已為人母，初出場那個質疑薰辦事能力的的任性表現，仍然令人討厭，但之後訴說往事的幸福表情，就順眼很多。 不過，福山跟廣末可以話冇對手戲，反而同下集的香取就經多對手戲，好期待正經的香取呢! 另外，兩集冇見的草薙，下集終於都再出場，希望戲份多d啦!
因為想睇湯川+草薙，所以去了大間的書店找原著小說，但兩本(偵探伽利略 & 預知夢)都找不到。 去誠品的網站，連書都冇得買! 公共圖書館有得借，但全部都要預約。 通常越得唔到，就越想得到，所以有時間都會去書店睇下。 不過其實我只係想睇下幾錢!
灼眼的夏娜
真的是特別版呢! 主角是緒方，因為喜歡田中，所以對田中 & 佐藤的友情胡思亂想，誤以為BL。
彩雲國物語 (#23-24)
令人噁心的人物正式出場!!! 不停看到他在引誘秀麗，真的想轉台。
動物橫町
突然間就話大結局!!! oh no!!!
keroro軍曹
原本以為係超級武器的馬修，其實係次貨，以"優柔寡斷"作為能量，因為軍曹的"優柔寡斷"性格實在太厲害，反而令馬修釋放能量把全部k隆星人都染上"優柔寡斷"的性格，咁係咪叫錯有錯着!? 既然侵略限期已過，危機已解決，咁仲有幾多至完呢? 上一輯完得比緊湊 & 有氣勢!
death note (tvb #21-22))
松田的演出比海砂的演技還要好! 那個告密者角色簡直是度身訂做。 依家已經播到要拘捕火口，如無意外，下星期會播到月恢復記憶。 咁tvb的進度跟animax只差一集，如果tvb之後都連播兩集，咪會快過animax播完??
星期日開始傷風，不過"偶下偶下"，拖到今日先去睇醫生，順便請一日病假。 其實昨天比較嚴重，在公司要被迫戴口罩，不過這樣都好，今天更加可以名正言順請假!
昨晚終於去了睇跌打(朋友介紹的)，醫師話我本身膝蓋都唔係幾好，加上天氣 & 做運動，所以引發出問題。 佢幫我拔火罐 & 敷藥。 因為敷完藥唔可以濕水，所以昨晚冇沖涼!
因為個跌打係屋企附近，所以今日順便再去睇一次。 醫師話最好暫時唔好跳舞，到下星期睇下有冇好d，先再覆診。 佢講到我的傷勢好似好嚴重，又好似唔係好嚴重，搞到有d亂。 另外，佢話唔好着咁多平底鞋，連converse鞋都唔好，要有少少鞋踭，咁樣先可以瀉咗d力 (咁又講得幾o岩，因為我之前着到對converse鞋踭蝕到穿底)，所以暫時我都着返對波鞋。 而且未來一星期都應該唔會再做任何運動。 希望會好返d啦!
今日係本blog開業兩周年的大日子
咁就兩年了，十分慶幸自己能持之以恆地寫blog，因為我唔係日日都有時間去寫，有時冇寫一段時間，就會有種唔想寫的念頭，不過只要一login，又會不由自主咁係咁打字。 (不過，有好幾個topic就係因為這種懶惰本質而停寫。
當初寫blog的目的只是純粹想把自己的感想找一個途徑抒發出來，完全沒想過會有人睇。 看到瀏覽人數有跳動，有人訂閱，有人留言，真是十分意外 & 開心。 很多謝各位到訪過的朋友!
~~~
(其實我冇將寫blog的事跟任何人講，就算朋友們問起，我都冇講。 因為我覺得在沒有知道我是誰的情況下才可以暢所欲言。 有時就算是非常要好的朋友，都有一些事是不能告訴他們的。)
今天下午要去九龍灣國際展貿上seminar，早到咗10mins，見地下開咗d舖頭就去行一陣。 入咗間影音店，見到有好多日韓vcd特價$19，就買咗3隻碟: 宮崎葵的三億日圓極盜初戀、中谷美紀&大澤隆夫的愛上july24大道 & 超經典韓片-八月照相館。(原本仲想買觸不到的戀人、風味絕佳...
seminer完咗之後又走去個間影音店，竟然俾我找到X劇場版的vcd，之前找了很久，連信和都找不到呢!
個seminar連等開候到完結只花了45mins，有大把時間剩，當然乘機去行下德福廣場啦! (平時好日都唔會去) 先去商務印書館買了赤川次郎的爽香新書，有85折
最後返公司之前，去買了u magazine，因為有香港管弦樂團的cd送，而且內文仲有L外傳電影的消息。 (不過爆咗之前death note電影版個結局，我買咗vcd但未睇o架!
