開業兩週年紀念日

今日係本blog開業兩周年的大日子，但你可能會發現未曾見過blog主慶祝一週年，原因非常簡單，因為blog主是個無記性的人，唔好話邊日開blog，連"慶祝"這件事亦唔記得!  (見到其他blog友在熱烈慶祝週年紀念的時候，先醒起自己未曾慶祝過，開blog日都係靠查找第一篇文章先知。)

咁就兩年了，十分慶幸自己能持之以恆地寫blog，因為我唔係日日都有時間去寫，有時冇寫一段時間，就會有種唔想寫的念頭，不過只要一login，又會不由自主咁係咁打字。 (不過，有好幾個topic就係因為這種懶惰本質而停寫。)

當初寫blog的目的只是純粹想把自己的感想找一個途徑抒發出來，完全沒想過會有人睇。 看到瀏覽人數有跳動，有人訂閱，有人留言，真是十分意外 & 開心。 很多謝各位到訪過的朋友!  我會繼續寫下去，同時希望可以將未完的topic寫完，還有就是唔好有咁多錯別字!

~~~

(其實我冇將寫blog的事跟任何人講，就算朋友們問起，我都冇講。 因為我覺得在沒有知道我是誰的情況下才可以暢所欲言。 有時就算是非常要好的朋友，都有一些事是不能告訴他們的。)