大個女somie

星期一突然知道堂姐一家放假返咗香港，星期五晚來我家吃飯，終於可以見到已經一歲多的somie啦!  前一晚專登走去買件玩具送俾佢。 因為唔知買邊樣好，搞到間shop為咗我而唔閉門。 最後買咗個會發聲的電話，細細件方便攜帶。(不過冇影到相)

今日我專登準時收工，趕返屋企。 可能佢近來見到很多陌生人，所以一d都唔怕我，仲好八卦咁望住我。 而且我一哄佢就笑，仲好鍾意玩我送的玩具!  佢依家已經識行路，扲住張凳仔，行來行去。 跌倒落地又識得扮咸。 又好鍾意啜手指。  真係好得意，好可愛呀!  (原來佢的皮膚黑過我，因為佢成日都係外面玩。)

佢地下星期就返美國，唔知幾時先會再見呢?

另外，堂姐送了一罐jenny bakery的曲奇餅俾我地，4款口味，雖然係細罐，但都有好多件，而且好好食呀!  好鬆化!  明明已經好飽，但又忍唔住食咗幾塊，不過媽媽比我食得仲多!  下次我要去買8 mix，有果仁的!