非常悠閒

之前經常寫話忙到嘔，忙到死，這次終於可以寫”好得閒”啦!

近排因為冇乜貨走，所以非常清閒。 我已經偷偷的上網，但又不可以太長時間 & 肆無忌憚，所以就係公司睇彩夢芭蕾(動畫)!!!

(

兩年前因為屋企未有燒碟機，所以把全套彩夢芭蕾帶回公司燒碟。)  不過，當然唔可以聽聲啦!  等我全套睇完之後(+有時間)再寫寫這套很特別的動畫。

另外，近來越來越夜瞓，每晚差不多2: 30a m才去睡，一日只睡了6小時。  搞到每朝早10:30已開始眼瞓，雙眼會自動合上

，一定要企起身、行開下

or 做d自己好有興趣做的事(一定唔係公事)，咁就會冇咁易瞓著。 不太想喝咖啡，但必要時都會沖半杯飲，之後一定唔會再眼瞓。  報紙話濃茶較咖啡更提神，但我覺得唔係囉!  (定係普洱唔夠濃?

)

下午當然都會眼瞓啦!  通常2點幾開始，亦有試過接近6pm的時候好眼瞓，死撐撐到過咗6pm就即刻伏咗係度瞓著咗!  仲要係熟睡嗰種，半小時後便會自己起身，繼續做埋未做完的工作。

唔想咁樣，當然係要夜晚早d瞓啦!  但知易行難嘛!

p.s. 這篇 & 之後那篇文都是在公司用word打的(打發時間的活動之一)，然後再copy & paste，但唔知點解d字會變得好大隻。 而且仲俾阿頭發現，問我係咪寫blog，我冇答呀!  我諗住係word打字冇咁覺，但反而被人發現，真係估唔到!