America's Next Top Model VIII (3/6/07)

哇哇!!!  今集sarah出局啊!  其實如果上集佢唔係贏了挑戰，都好大機會已出局。  佢的成績一向都處於中間水平，雖然偶有佳作，但依然有缺點，加上依家人越來越少，佢真係好易會出局。 (我覺得佢個樣好似twiggy)  據說比賽之後，佢繼續當model & 攝影師，仲埋唱歌!

今集要佢地幫自己改藝名。 我覺得如果要在娛樂圈發展(model都算)，若果名字太普通的話，改個特別/易記的藝名會好d，不過當然唔好改得太求奇(e.g. renee)。  上季的melrose今集有出現，佢好似容光煥發咗，靚咗。 據說她除了繼續當model外，明年還有她自己design的時候推出呢!

renee同tyra講話佢被全部人杯葛，但其實係佢得罪人多，所以大家才會不喜歡她。  初初佢仲撐話參賽唔係為交朋友，所以冇刻意討好人，但tyra一話佢唔啱，佢就即刻喊住道歉，但其實佢仍然冇悔意呢!   雖然冇人話要你去討好人，但話晒都一班人共同生活，點都要尊重人。

另外，佢地去咗個名人派對，估唔到50 cents會咁討厭jael，仲推佢落水，natasha又無端端跳埋落水，搞到tyra個經理人好不滿。 (不過jael一d都唔介意，果然我行我素)  派對上仲有近排上A1的paris & 她的朋友nicole呢對是非姊姊花。 呢頭renee同nicole講佢最討厭jael，轉個頭nicole就講俾jael知，真係愛惹事生非! (原來dionne口才好得呢!)