~小魔女好想有閒情日誌~: 7月 2007

2007年7月31日星期二

交響情人夢續篇制作決定!!!

將會在tvb播放的超人氣日劇 -

交響情人夢的續篇，會在2008年新年時，2夜連續放送!!!

之前播映時，叫好叫座，加上原著漫畫未完，實在是很有可能會有續作的，當然我都好希望啦! 不過這只是特別篇吧! 到底是什麼故事呢? 歐洲篇嗎? 雖然只有2集，但都好期待呀!!!

(消息來源: 今晚心血來潮，上官網時看到的)

交響情人夢日本官網

America's Next Top Model VIII (22/7/07)

之前個集因為去台北冇錄到，所以睇唔到dionne點樣被out。

最後一集只餘下renee 、natasha & jaslene拍cover girl廣告。本來renee係拍得最好果個，jaslene就比較悶，不過，因為評判覺得renee個樣老，所以out咗佢。咁佢幾慘，話佢做得唔好都仲可以去改善，但話因為個樣老就真係冇得救，除非去整容。其實renee幾大呢?

最後是由natasha & jaslene行catwalk，natasha開始時行得幾好，但之後就麻麻，而jaslene就相反。再睇之前影的相，natasha就一直進步，而jaslene一開始就已經好好，但到後期就表現不一，結果是jaslene得冠軍。如果俾我揀，我都會揀jaslene，因為佢比較有style有型格 & cool，是咁多屆比較少有的種類，而且佢cycle 7落選，之後再參加，就證明佢對做model的決心，tyra就最喜歡呢種有決心的人。而且如果natasha得冠軍，我怕她很難去離開丈夫 & 孩子工作。

之後播的jd超模公司，係講前antm評判janice dickinson如果去開自己的modeling agency，一集只有半小時，而model有男有女，除了見到她口沒遮攔，仲可以見到她陷於困擾的一面 & 慈母的一面，都幾好睇。

三週動畫雜感 (9-29/7/07)

因為去台北 & 書展的關係，已經積壓了3個星期的動畫，終於在上星期看完。

death note

其實我miss了兩集 (即兩個星期)，剛剛看到的一集是月已經放棄了筆記的擁有權 & L開始跟月24小時行動，這是漫畫中我最喜歡的部份。放棄筆記後的月，眼神即刻變得善良，這應該是他的本性吧! 果然，人一得到力量，靈魂就會開始腐化。

剛剛睇到tvb的death note宣傳片，分別是kira & L 的對白，粵配啊!!! 但聽不清潔他們說什麼，所以更加認不出是哪個配音員。它的形式跟animax的相似，不過兩者都是參考原著吧! 應該是兩星期後播呢!

校園迷糊大王

明明animax的廣告說是粵/日語，但有線竟然只有粵/國語選擇，那只好選粵語吧! 故事其實是簡單學園愛情，但角色非常搞笑。女主角天滿是個超級遲鈍 & 冒失的女生，喜歡行為古怪的烏丸(其實我都幾鍾意佢)，不良學生(其實是蠢才)播磨亦喜歡天滿(我覺得佢似大叔多過學生)。天滿有一個妹妹八雲，但我覺得似姐姐多d。還有一班胡鬧的同學。是一套沒什麼劇情，純粹笑餐飽的動畫。

動物橫町

同樣是搞笑片，但這套的配音，實在是太厲害了，強好多。但原來已經播完了，oh no!!!!! 健太呀! 小爾呀! 依沙呀! 小美呀! 好唔捨得你地呀! 這星期開始播keroro，但之前個輯，我都仲未看完呢!

備長炭

只是看了上星期的一集。小備除夕晚生病，但她只有自己一個人生活，所以病都冇人知，而她的朋友們，就全部都有屋企人，小備好可憐呢! 幸好她的朋友，來探望她，照顧她。人真的是不可以沒朋友。

火影忍者

書展那個week，因為教錯台，錄錯節目，所以睇唔到鳴門點贏，不過算吧，我比較想睇其他人對戰。木之葉的女忍者，實力太差了，沒有一個入圍。鹿丸都算有腦，贏得好輕易。我以為雛田跟螺旋係親兄妹，但原來唔係，螺旋仲要好想殺死雛田，太可怕了，究竟他們的家係什麼一回事? 阿李對我愛羅呀!!! 阿李只懂體術，而我愛羅就深不可測，所阿李點都冇可能贏我愛羅的對手吧! 只希望阿李唔好被打得太傷。另外，我好肯定賀意的角色是用來搞笑的!

~~~

animax8月會播灼眼的夏娜 & 彩雲國物語。夏娜有粵配，那我亦只能聽粵配。彩雲國物語就未知有沒有粵配，最好冇啦!

2007年7月29日星期日

Hello Kitty x MTR

我唔係kitty迷，不過算係少少mtr迷，所以佢出kitty工作服公仔就正中我的胃口。不過，我平時搭巴士多，地鐵星期一至五都唔知有冇一次，所以今次都係托同事幫我換，但這已變成了我的生日禮物。

week 1: 列車車長

week 2: 助理消防及保安督導員

點解車長同督導員套制服咁似樣嘅?

Lime @ T5 意外發現

生日正日那天，做完瑜珈，好友V陪我食飯，原本是揀旺角花園街76號A "Toronto 5"3樓的LAFUMA OUTDOOR CAFE(係openrice見評語幾好)，但因為時間尚早 (5:45pm)，所以冇飯食

，就介紹我們落2樓的Lime @ T5。
個度環境都不錯，食物價錢都ok，意粉$3x-4x包熱飲，pizza(中)$78。我們點了一個長通粉，一個雞肉pizza，加2杯凍飲，埋單$145，味道不錯(but煙肉咸咗d)，食得好飽，幾抵，可以再去。

(比habitu好好多) 不過後來，侍應話我們叫的係tea，唔係dinner喎! 唔知dinner又幾錢呢?

另外張網椅有d牙煙，好似肥D都會坐爛。

環境簡潔

有兩個投射螢幕，可以睇球

煙肉野菌長通粉，煙肉好咸

燒烤雞肉pizza，厚批，份量十足

habitu the pier 生日飯

中學時的朋友們提早了在26日同我食飯慶祝生日，原本地方是由壽星女負責諗，但我實在諗不到好地方，所以由好友V拍板，揀了這間她的朋友提議的habitu the pier (@海港地 - 西餐)。但去之前，我係openrice見到有人話7位訂枱有每人最低消費$350，所以有d擔心 (我們剛好7位)，幸好冇咁嘅事。
不過，佢的份量真係少得可憐

，意粉可以逐條數，個飯每人只有2匙，係碟牛排有d份量(反而餐前麵包最有份量，食極都仲有)，所以最後我們要再叫多一個pizza先夠食(but之後我們去了杏花樓食甜品)。其實去呢d地方都預咗係食環境。好在埋單都算抵，total$900(6碟)，6個人計，每人只係$150。
另外，我們係坐高枱的，好在那天冇人着裙，如果唔係都好唔方便。而且踏腳個2條木，軟林林，好似好唔穩陣。