habitu the pier 生日飯

中學時的朋友們提早了在26日同我食飯慶祝生日，原本地方是由壽星女負責諗，但我實在諗不到好地方，所以由好友V拍板，揀了這間她的朋友提議的habitu the pier (@海港地 - 西餐)。 但去之前，我係openrice見到有人話7位訂枱有每人最低消費$350，所以有d擔心 (我們剛好7位)，幸好冇咁嘅事。
不過，佢的份量真係少得可憐，意粉可以逐條數，個飯每人只有2匙，係碟牛排有d份量(反而餐前麵包最有份量，食極都仲有)，所以最後我們要再叫多一個pizza先夠食(but之後我們去了杏花樓食甜品)。  其實去呢d地方都預咗係食環境。 好在埋單都算抵，total$900(6碟)，6個人計，每人只係$150。
另外，我們係坐高枱的，好在那天冇人着裙，如果唔係都好唔方便。 而且踏腳個2條木，軟林林，好似好唔穩陣。

少得可憐的雜菌飯

仲少得可憐的意粉

好似餅乾咁薄的pizza

算叫做有d份量的牛排

最後再叫多一個pizza，面頭d葉極難食。 仲有個salad冇影到相

用來焗pizza的爐
同場加影:

好友B，送的生日禮物，係我喜歡的KUROMI，而且係一個好實用的兩用儲物盒，但好可惜，我冇位擺，而且木製品係我屋企係好易發霉，所以暫時被我媽放咗係櫃頂，直至另行通知。 so sorry, friend，辜負了你的一番好意。
不過，生日禮物點只一份，我、好友M、好友V & 好友A, 4人係會每人夾$150(共$450)買對方指定的生日禮物。 我今年就揀咗mp3 & maquillage粉餅。