未出發，先頭痕 ~ 台北之旅 緊急成行!!!

因為好友M & 她的同事辭了職，所以上兩個星期決定各自帶一個friend去台北旅行，於是她叫了我，而我一聽到是去台北就唔理三七廿一應承了。  不過這個星期卻發生了很多麻煩的事。
- 她的同事想7月第一個星期去(上星期話)，但我可以咁急請假，所以唔得，大家相就下便決定7月第二星期去
- 她們想去5日，即是我要請3日假，但我實在唔可以請咁多假，所以只去4日，其實只去台北都夠啦!
- 格價後，她們覺得去thailand平d，但我唔想去; 如果要去台北，她的同事話就一定要揀最平的華航，但我又唔係咁想CI(好似好危險!)，不過為了去台北，都冇計。(如果當初係話去曼谷，我又會點答呢?)
- 最後因為package太爆，只係買到長榮的機票(連tax $1880)，而酒店就托她的同事的台灣朋友去book，目標係around hkd200的酒店! 我好驚係好似彌敦道兩旁的所謂酒店，近就近mtr，但好殘。 (如果唔係就住係佢個朋友屋企!!!)
因為係她們去找package的，所以我不便有太多要求 / 指指點點。  不過未去都已經好似搞到好麻煩，去個陣都唔知點，好擔心呀!  so, 我諗住先小人後君子，事先講明我有什麼地方要去，其他事就唔理咁多。 她的同事會唔會覺得我好麻煩呢?  (其實我們仲未見過面架!)
其實我呢期正直多事之秋，同事話真是不太應該去旅行，不過因為我好想去台北，所以就冒d險，但就唔可以張揚開去(即唔可以買手信請全公司食) + 唔可以請多過2日假，以免俾老闆有話柄，秋後算帳 (我老闆好少氣，好記仇)。
下星期四便出發(星期日回來)，究竟會點呢???
[我主要想要去的地方: 屈臣氏 & 類似卓悅的舖頭買化妝&護膚品 (esp. MAJOLICA MAJORCA，價錢同日本差不多); skinfood (平過香港); animate (買反逆的精品); 九份 (但落雨行山路有d驚); birkenstock (d人話台灣的款多d，但價錢差唔多)。]