魔法奇緣 : 女主角好好笑

去完志蓮淨苑之後，就去了九龍站的the grand cinema睇"魔法奇緣"。

其實今個農曆新年上的戲吸引力麻麻(可能怕咗"cj7")，我只有"L" & "jumper"想睇，但emily唔想睇"L"，"jumper"又未上，不過"魔法奇緣"都ok。(我對"cj7"冇乜興趣)

套戲橋段老土，但用了迪士尼童話包裝就變得有趣，而且估唔到套戲原來咁好笑。 不過見到小強同女主角一齊打掃，就嚇到全場尖叫!   其實都估到最後王子會同男主角的未婚妻一齊，因為要皆大歡喜嘛!

雖然套戲想表達愛情一定要溝通才可以長久，不可以好似童話般一見鍾情去結婚，然後就會"以後永遠快樂地生活"。 但其實女主角 & 男主角都只係識咗兩日半(係比王子的半日多dd)!

女主角演得好好，可以講話係佢solo，真係好似迪士尼卡通片的女主角，七情上面，又唱得，又跳得，維妙維肖。   男主角ok，但不及王子英俊。 王子就有樣冇乜腦。 男主角的未婚妻，個樣係現實世界就似巫婆，但去到童話世界就靚好多。 男主角的女兒都幾可愛，如果有多d戲份就更加好。惡毒皇后的真身其實都幾得意。

~~~

我坐6院，戲院的椅子好舒服，雖然是尾二行，但感覺距離跟銀幕剛剛好，可能是因為戲院闊、窄 & 高，絕對不會被前一行的人遮擋，不過最後一行跟尾二行之間係通道，所以坐最後一行反而會被入場的人遮擋。  另外，用manhattan or 渣打信用咭係櫃台買飛有8折，只是$48，好抵啊!

elements其實唔算好大，不過d舖頭好早收，我們睇完戲約9:30pm，大部份店舖已關門。 其他最遲10pm都close。 食方面，最平的麵店是唯一要排隊的食店，但我們選擇幫襯threesixty內漢堡包店，價錢around$50。 冰場唔係好多人，好耐冇溜冰，想去玩下，唔知幾錢呢?

商場四周都有設計特別的椅子，洗手間外有飲水機、雜誌 & 梳化，裡面有anna sui的香水供人免費用。