pepper lunch : 自己煎扒幾好玩

上星期二晚同好友M去朗豪坊買嘢，晚飯就揀咗food count入面的pepper lunch。 (八點幾，個food count仲有好多人!)  其實佢一開店我已經好想去試下，因為覺得要自己煎扒好得意。

因為好友M唔食得牛肉，所以我揀咗黑椒三文魚飯 & 漢堡扒+雞扒餐，共$120。 價錢中上，不算平。

三文魚飯好好味，可能係因為有黑椒(黑椒雞翼 & 黑椒粉絲都好好食)。 扒餐都唔錯，雖然肉的份量係少d，但加埋碗飯就剛剛好。 但男仔可能會唔夠。 不過沙律有d酸味，可能d沙律汁係咁(因為我唔食沙律)。

雖然煎咗一陣塊鐵板就凍咗，不過可能係因為我地坐得遠，又行咗兩次，遲咗返埋位先會咁。

上網見評語有讚有彈。 我想可能因為要自己整嚟食，所以未必會好好食，我覺得佢的賣點係"DIY"。  

朋友們對它的牛扒讚不絕口，下次有機會都想試，但八十幾蚊，又有點貴。

黑椒三文魚飯 (注意: 我地另外加咗半碗白飯落去)

漢堡扒+雞扒，還有白飯、沙律 & 湯