玻璃艦隊 (#17-18)
古雷奧身世之謎揭開，他原來是王子呢! 說實話他的父皇好似冇乜本事，打仗都是全靠他的養父(父皇的好友)。 (他的母后是全劇女角衣著最正常的一個
火影忍者
鹿丸好型呀!!!
~~~
下星期六(4月5日) 5:30pm 翡翠台會播彩雲國物語，好想聽下tvb的配音!
2008年3月30日星期日
一週動畫雜感 (24-30/03/08)
Project runway 4 #5 (29/03/08)
今集的題目非常特別，找來一班大幅瘦身的女士，要參賽者用她們unfit的舊衫來做新衫。
眾人一見到其中一件舊衫係婚紗的時候已經暗叫不妙，steven就不幸地被抽中了。 其實用婚紗當材料真係咁難?
christian贏了，我想是因為他的作品既有自己的style，又適合日常穿著。 (我覺得穿起來l很有型) 其實有商業味的design有何不妥? 最終買衫的人都是普羅大眾!
jack本身有病，免疫系統差，所以當佢發現自己受感染時就好緊張 & 擔心。 雖然佢已經把比賽的衫做了一半，但最後佢都接受醫生的提議，即時退出比賽，去治療。 當大家知道佢要退出的時候，所有人都好傷心呢!
因為jack要退出，所以找回上集被out的chris回來。 (但係咪真係為咗維持競爭水平?) 其實chris都幾風趣，有佢係度唔會悶!
2008年3月24日星期一
4月新番日劇 & 動畫 news update
動畫
3/4: Macross Frontier
看了第一集導演剪輯版，戰鬥場面做得很精彩，很吸引，令我對它突然好有興趣(當然最期待的是op
30sec cm (菅野又再挑戰maaya的音域，首歌很熱血呢!
3/4: xxxholic 継 (第一輯冇睇過，純粹因為係clamp的作品，所以提一下)
6/4: code geass R2
第一話的先行放送會已舉行，據報lelouch真係失憶，villetta為了監視lelouch而當教師臥底，roro真係唔係lelouch的弟弟，而係唔知邊個派來監視lelouch。 op & ed都係orange range唱，完全聽唔出呢!
7/4: 吸血鬼騎士
7/4: soul eater
因為見到網友對它有點期望，所以找了cm看，感覺係通靈王+d gray man，故事幾特別，但據聞係年番，唔知會唔會睇。
7/4: 我家有個狐仙大人
原作好像很出名
10/4: 圖書館戰爭
抑壓媒體言論自由的執行委員會 vs 守護言論自由的圖書館，很特別的故事設定。
日劇
10/4: Last Friends
非常具話題性的日劇，長澤演被男友虐待的女生(綿戶亮就是演那個施虐的男友!
沖擊性的cm
報導
16/4: ホカベン
北村一輝演上戶彩的上司!
21/4: CHANGE
木村新劇終於有名啦! 除了深津繪里外，還有阿部寬、加藤羅莎 & 寺尾聰。 仲邀得madonna唱主題曲!
22/4: 料理仙姬
共演者: 內博貴
Projuct runway 4 #4 (22/3/08)
原來今次係3人一組把一些曾經流行過的元素，重新包裝變得in。
因為miss咗頭15mins，所以唔知他們係點分組。
因為今次係要各人都要design一套衫，但要係同一個collection(同一個主題)，隊長係各自推舉的，負責協調各人的design。 所以今次當leader的難度都幾高。 ricky & victorya就出現意見分歧呢! 我覺得ricky係盡力想去lead the team，但victorya就自把自為，又指手劃腳，喜歡指示人，但偏偏又唔想負leader的責任。
原本我是看好kit、jack & christian那組，因為他們合作得很好，完全沒有問題，個design又唔錯。 不過，結果係kevin係最後一刻出現奇跡，為他們那組帶來勝利呢! 而他們的design原來都幾好呢!
至於被out的chris，我覺得他跟ricky一樣差，但可能因為評判覺得ricky有盡leader的責任，而chris就冇乜吧!
另外，我覺得sweet p & elisa都很好運呢! 雖然身處係最差的兩組內，但又一定唔會被out。 而且她們都很好人，heidi問要out邊個的時候，elisa寧願揀自己，sweet p就好被迫咁揀steven，之後仲向steven道歉。
2008年3月23日星期日
一週動畫雜感 (17-23/3/08)
玻璃艦隊 (#15-16)
米鍚最後都想通咗，冇自殺，但被皇帝軟禁中，等人救。 那個四眼二五仔一方面被革命軍追殺，一方面被皇帝軍無視，好似幾慘，不過其實都係佢自己攞嚟! 唔抵可憐。 教皇女兒明明話唔會愛上皇帝，但結果還是愛上他呢! 仲要自動獻身，被拒絕，都幾可憐。 最好笑係外父(教皇)知道皇帝的為人呢! 話佢續米錫之後又有新目標(古雷奧)，不過，我覺得皇帝對古雷奧的興趣跟對米鍚的不同，可能因為古雷奧唔係靚仔。 古雷奧真係皇族之後，到底佢 & 皇帝有什麼關係，係什麼人，為什麼二人體內都有"太陽"的力量? 另外，終極大佬應該係教皇，因為佢隱瞞黑洞正吞噬宇宙的事。
火影忍者
佐助仲未出場，比賽順延。 到底內輪家族有幾利害，所有人都為咗睇佐助而來!? 另外到底我愛羅對佐助做過乜呢? 因為掛住玩nds，冇留意，只知卡卡西有發現到我愛羅。
2008年3月19日星期三
台灣也來湊熱鬧 拍真人版"honey & clover"
日劇真人版"蜂蜜與四葉草"快播完的時候，台灣的真人電視版就已經開始拍了。 台灣人真係好鍾意改篇日本的漫畫來拍偶像劇呢!
其實上面記招張相，我之前已見過，但到近來睇報紙先知，原來鄭元暢(小綜)演真山，蘇慧倫竟然演理花!!! (一眾演員入面，我就淨係識呢兩個!)
伊藤千晃 (阿久)
台灣專登揀了個身高只有153cm的伊藤千晃來演阿久( 145c m)。 (她是日本人嗎? 國語流利嗎?
李國毅 (竹本)
那個髮型很恐怖呀! 不過，就好有路人感覺，但我覺得他好像太高了，我印象中的竹本只高過阿久!
鄭元暢 (真山)
小綜來演，太適合啦!
張鈞甯 (山田)
原來演山田的張鈞甯就是台劇”白色巨塔”的女主角，第一眼的感覺是”唔靚”，只怪當時她那套衫太娘吧! 其實她都幾靚呢!
彭于晏 (森田)
有那種淘氣，愛生事，不受約束的感覺，新髮型很適合呢!
蘇慧倫 (左) (理花)
很意外竟然由蘇慧倫來演，雖然她應該有3字頭(年紀)，但樣子頗年輕。
張翰 (右) (花本教授)
一定比日劇版好，不過最好可以帥一點，因為他要配阿久嘛! 另外，為什麼他是平頭裝呢?
陳宇凡 (野宮)
應該就是這個人，但還未有造型照，唯有睇住舊相先，不過很難把他跟野宮連在一起。 希望打扮過後，會令人驚喜吧!
今次台灣表明會按原作來拍，希望真的拍出原作的青春感覺! 因為據聞日劇版實在是令原作的fans感失望。
不過，台灣改名方面就好恐怖
漫畫台譯 漫畫港譯 台劇
花本育 花本葉久美 華本育 (其實"花"都係姓氏)
竹本祐太 竹本祐太 安竹本
山田亞弓 山田步 何亞弓 (我最喜歡animax譯作"亞由美")
真山巧 真山巧 鄧真山
森田忍 森田忍 任森田
野宮匠 野宮匠 湯野丰
花本修司 花本修司 華修司
原田理花 原田理花 方理花
~~~
再貼多幾張相
(相片來源: www.sooostar.com)
2008年3月16日星期日
Honey & Clover 漫畫 spin-off story 01 & 02
H&C的漫畫雖然已經完結，不過作者原來間唔中都有畫番外篇!!! 番外篇的主角就係本篇中唯一未有明確結局的一對: 山田 & 野宮!!!
story 01
商店街搞活動，其中一樣禮物係山田的"拿手特製"咖哩，真山要野宮對山田講出真實的評價，但野宮最後因為"愛"，而對山田說"好味!" - 一句連一眾商店街的愛慕者都講唔出口的說話。 因為咁，眾人都明白自己比不上野宮，其中一個就決定放手，之後仲搵到自己真正喜歡的人，然後結婚。
story 02
野宮跟山田可以話正處於半交往的狀態，因為野宮每個星期日都會約山田。 野宮好似會讀心術咁可以講出山田的心底話，知道山田仍然未完全放下真山。 又話要係家鄉為山田做一個燒窯 & 起一間屬於他們的屋。 嘩! 有一個咁清楚知道自己心意的男朋友真係好難得! 世間少有呢! 咁細心的男人，難怪會成為一眾H&C fans中最喜愛的角色啦!
另外入面都有提到真山 & 阿久的近況。 真山之所以會被人話變態，係因為佢對喜歡的人非常專一，仲有好強的佔有慾。 但佢又未至於做出好變態的事，最多只係迫理花穿高跟鞋，以令她必須依靠住佢 or 買一盒每隻$10的介子，入面放一隻一睇就知係真的 & 貴的介子，要理花揀。
阿久依然在做復健，有時跟山田一起做陶藝，她 & 花本搬了新家，因為她要有更大的地方來放大畫板畫畫。
羽海野已經在畫新的連載，但都希望佢久不久會為H&C畫番外篇啦! 好期待野宮 & 山田的發展呢!
訂閱：
文章
(
Atom
)