一週動畫雜感 (10-16/3/08)

飛天小女警 (日版)

仲以為仲有得做melody，原來係播新卡通。 日本把飛天小女警變成係日式少女變身卡通!   其他的角色一樣(市長的秘書依然係冇樣睇)，但係教授就多咗仔&隻 狗。 不過，我鍾意美版多d。 呢套我唔會追。 另外，係aibainoran的blog睇到段柊學長變身成為melody蒙面俠(個名我改)的片，笑到我碌地!!!  學長被迫着住套粉紅色的小丑衫做melody的幫手，仲有管家cosplay成粉藍版的綿羊piano，又有秘密基地，又有專用戰車，好似惡搞版的batman咁!!!

玻璃艦隊 (#13-14)

#13係總篇集。 古雷奧去咗監獄行星，用武力降服咗班囚犯，遲d會帶他們一齊逃獄吧!  皇帝終於將日思夜念的人得到手，又點會唔出手，不過當發現對方唔係自己想像中的人的時候，做乜仲要咁做呢?  事後仲要嫌棄對方!  (係皇帝自己一廂情願，人地都唔想架!)  人家終於都係女仔，點可以咁樣被人羞辱，難怪米鍚下集想要自殺啦!

火影忍者

估唔到鳴門 & 螺旋今集就打完，仲以為要再拖落去。 其實螺旋講身世個段都好拖吓!  嗚門身藏九尾妖狐的事唔係全個木之葉村的人都知架咩?  點解雛田的妹妹唔洗去分家?  明明話有咒印就用唔到白眼，咁點解螺旋用用到?  那個面具神秘人應該係兜學長，話幫雛田療傷，其實係為咗得到白眼的秘密!  點解她的爸爸會唔留意個女架?