一週動畫雜感 (20-27/7/08)

少年陰陽師 (#19-20) 

風音竟然利用小朋友的信任，真是太過份了!  晴明講出往事。  原來當年他的好友岦齋受到智舖的宮司利用，捉走了道反巫女，並用縛魂術令紅蓮失控出手殺晴明。 而風音就是岦齋的女兒，並同樣對紅蓮施了縛魂術…

王牌投手 振臂高揮 (#7-8)

幸好在橙汁教練的指示下，西浦終於都贏了。  雖然三星想三橋回來，但三橋還是留在西浦。 (而且冇可能咁輕易轉校吧!)  阿部的過去!  阿部形容他以前的拍擋 – 榛名是最差的投手，雖然榛名只是剛出場講了幾句對白，但已經覺得他是個非常自大，難相處的人呢!

彩雲國物語 (#33-34) 

靜蘭要跟人妖鬥酒。 仲有5集就完。

火影忍者

這三集很好看。  編劇故意舖排令人以為綱手要找嗚門 & 自來也來當施禁術用的活人，而兜又好像要背叛大蛇丸，綱手真的要為大蛇丸治療。 但原來都唔係。  綱手其實是要殺大蛇丸，所以才整暈自來也等人，而兜其實是要救大蛇丸。  兜vs綱手一段很好看，兜都有一定的實力。 未恢復體力的自來也跟雙手被廢的大蛇丸點打呢?

魔法小神童加旋

傑特!!!  估唔到傑特竟然會退場，博士好型呀!!!  輪到清麻呂對戰，原來對手係仲係石板時曾經被清麻呂作弄，真是冤家路窄!

創聖之aquarion (#13-14)

呀!!!  唔記得錄呀!!!

S A特優生 (#16)

太過主動進取的女生都幾令人困擾。 估唔到純因為小時候中了電視的催眠節目催眠，當被女性kiss就會引發出另一個人格(魅力四射的花花公子)。  其實催眠不是可以解除嗎?  如果一被kiss就觸發催眠，都真是幾麻煩。

soul eater (#16)

kid vs魔劍&古洛那只有一小段，還未真正對打，就因為kid的對稱病而完結。 瑪卡對黑血冇反應。  博士似乎已經知道美杜莎的魔女身份，還派了死人老師試探，但卻犧牲了。  美杜莎正準備發動什麼陰謀?  而死神不能離開死武專的原因又是什麼?

macros frontier (#16)

ranka project就是用ranka的歌聲來影響vajar活動，ranka對此事猶豫不決，因為好像與自己的夢想不同。  アイモ不太適合來當戰鬥歌呢! 

公主被金髮哥哥打得好慘呢!  歌姬的身體似乎還未好番，好令人擔心?  米學長來得真是不是時候呢!!! 

新ed，依然是歌姬唱，但就換成快歌，畫面是真人剪影 + 作畫原稿 + 動畫，很特別。 

world destruction 世界撲滅之六人 (#3)

今集的Q版作畫 & 簡單線條很得意。

生日二三事

~ 吃不到扭扭腸批

27號晚的生日飯，專登揀pizza hut，只為了吃扭扭腸批...

點知原來已經冇咗，變為環球美食批...  (我點了批B，因為我唔食冬陰宮味)

CC: 「想食扭扭腸批?  來日本吧!」

~ 正日晚飯在品味人生

今年正日由好友M陪我，去了雅蘭樓上的品味人生吃飯

露筍: 份量少

小籠包(4個): 麻麻地

牛魔王(鐵板燒): 份量多，好味

豬頸肉薄餅: 塊肉好薄

水晶蝦酥盒:  見到隔離枱點，賣相吸引，味道也很好

~ 生日禮物

今年我們4個好友決定唔送生日禮物，所以只收到其他人送的的禮物，而且係人家自己揀，完全是surprise!

未到7月，同事G已經送生日禮物給我，是朱古力餅(好似好貴) & 鎖匙包

tania送的頸巾

happy birthday to me!!!

 

 

 

 

 

*話說blog主是個後知後覺的人，連寫生日文都係...

蝙蝠俠 - 黑夜之神 : 好黑暗

這套戲意識上真是好黑暗，跟之前添布頓的螢幕上的黑暗不同，這種黑暗是人性的黑暗。  最信任的同袍(警察)竟然是黑幫的人，會出賣自己; 不只平民，連警察都會為了自身的利益而殺不相識的人; 更不要說黑道中人已經沒有道義。  這一切都是由小丑一人引起。 他就像魔鬼一樣，把人潛在的黑暗引誘出來。  所以睇得有d唔舒服。  雖然他成功令正直的檢察官變成復仇者，但還好一班處於不是你死就我亡的狀況的平民&囚犯，沒有因為貪生怕死而輕易地去炸死對方，總算在最後留下一點光。 (人性不壞!)

今集小丑非常搶鏡。  希夫演繹出一個跟積尼高遜完全不同的小丑。  他可以透過言語、身體、表情 & 小動作來令觀眾感受到小丑的計謀、瘋狂 & 恐怖。  而積尼的小丑就硬是有種”小丑”的感覺。  我都覺得希夫是有機會憑小丑一角得到金像獎呢!

雖然batman都有內心戲，不過可能因為戴住面具，所以睇唔清楚，有點浪費了他今集要獨自承受批評，針對，不為市民接受，默默肩負保護市民的重責的困擾。

這套除了演員演得好之外，劇本也很好，好似推理/懸疑片，局中有局，一環扣環。  batman設局捉小丑，但原來小丑其實就是打算被捉，除了要捉走污點證人外，仲乘機捉走檢察官& rachel。 之後到醫院放炸彈，目的除了是檢察官外，又捉走了醫護人員，而人質原來是用來擾亂警察視線。

另一樣睇得好開心的事係只有香港人才能感受到。  就是看見熟悉的街景、夜景 & 聽到廣東話出現在大銀幕。  那個batman在香港夜空飛過一幕，真是拍得好靚!!!  至於edison，大家就把他當成普通大茄一名吧!  (對白雖然算多，但演保安員的比他還拍得清楚很多)  不要為了他而浪費了欣賞好電影的時間。

原來檢察官就是雙面人，最後應該是死了吧!  雖然感覺上好似浪費了雙面人這個敵人，但諗深一層就會覺得導演這樣來描寫奸角是很特別，拍出雙面人由正直的檢察官變成復仇者的過程 & 心理轉變。  最後他死去應該是好事，因為如果俾公眾知道以前的好榜樣變成了殺人不眨眼的人，會是幾咁失望 & 傷心。

今集武器專家離batman而去，下集有邊個幫他準備武器呢?

~~~

話說近年的商業英雄片都變得少了商業味，改為著重人性(當然仍然有大量特技場面)。

~~~

上星期日晚去睇9點幾場，睇完已經12點幾，152mins真係好長。  另外，朋友買飛時，差點買了早場，所以買飛前記得睇清楚時間，以免買錯場次!!!

~~

話說blog主是個喜歡寫過期文章的人

一週動畫雜感 (14-20/7/08)

少年陰陽師 (#17-18) 

昌浩的大哥出場，原來昌浩的兩個哥哥都已經成家立室，同昌浩年紀差好多啊! 紅蓮有同昌浩講佢曾經想殺晴明，但冇講原因。 原來已經出咗9位神將。 其實我比較在意六合&風音!

王牌投手 振臂高揮 (#5-6)

雖然我唔明棒球規則，但就睇得好緊張啊!!!  三橋的舊隊友&對手-三星學園內部有不和+投手阿葉有點失場+橙汁教練策略得宜，所以西浦先得2分。 不過，阿葉之後重拾信心+三星教練用計+對三橋的了解，情況逆轉了，現在反而是西浦處於下風，連阿部都失去自信呢!!!  雖然我明白阿葉要勝過三橋才可以認定自己的實力，但我更加想第一次比賽的西浦贏!!!  原來信心對於比賽時間長的運動員來說真是非常重要的!

彩雲國物語 (#31-32) 

依!  仲有7集就完。

火影忍者

大蛇丸找綱手醫病，雖然她對於大蛇丸可以令她心愛的兩個人復活有點心動，不過嗚門的出現應該可以改變她的想法。 

魔法小神童加旋

黃力因得到阿惠的魔法療傷，終於打敗了千年妖怪，不過，阿惠就心力不支，情況不太樂觀。

創聖之aquarion (#11-12)

終於知道阿波羅 & 西維亞前世的事，原來係墜天使 & 人類版的羅密歐與茱麗葉，而op的歌詞都有講到。

S A特優生 (#15)

櫻登場。 光開始察覺自己對彗有點在意。

soul eater (#15)

kid的死神大褸好型!!!  但點解要戴面具。 kid之所以揀湯姆森姊妹是因為她們可以變成雙槍!!!  所以就算姊姊走失了，kid都唔肯只用妹妹。  當以為姊妹重逢就可以大顯身手的時候，魔劍&古洛那就出現，魔劍仲一口氣食晒d靈魂，變成好似好勁!  下集，二人(5人?)大戰!!!

macros frontier (#15)

今集應該是總編集，但竟然由神秘經理人(一班人!?)來當旁白。  不過，唔係好明佢講乜!?  只知道歌姬的代號fairy9(之前8個去咗邊?)，ranka係queen1。  就算歌姬未死，他們都決定放棄她，改為利用ranka，所以就有什麼ranka project，仲用金髮哥哥來當保鑣!!!  冬菇頭跟經理人合謀! (話咁快金髮哥哥已成為封面人物!) 

ost有welcome to my fans club night! 本編點會唔用。 原來ost入面首what 'bout my star? @ Farmo係來用係今集。  整隻ost入面呢首歌最令我有驚喜，因為係歌姬& ranka合唱!!!  好簡單的唱歌一段戲就已經表明了三人的關係，雖然公主可能都未發覺，但歌姬& ranka可說是已經正式開戰!  (事業 & 愛情二人都是對手)  歌姬唱唱下突然咳，係咪她有病呢? 

最後sms的老闆為什麼要見公主?  galaxy船隊仲係度? 

其實人的聲線總會有d歌係唔o岩唱。 好明顯中島愛就唔o岩唱ダイアモンド クレバス呢類歌。  (講真我聽第一句時，有d嚇親!)

world destruction 世界撲滅之六人 (#2)

那兩個世界救濟協會的人係咪加入世界撲滅協會?  那個女是否對男主角一見鍾情?