其實原本的標題係"第一次坐直通火車上廣州"，但估唔到會變成咁...
話說星期四我要上廣州參加客人的briefing，因為我從未試過一個人返大陸(加上我跟公司講係9年未返過大陸!)，所以同事們叫了有份去briefing的深圳工廠代表A小姐，到時係廣州東站接我，然後一齊去。
那天我一早5點幾就出門，因為要搭第一班廣九直通火車(briefing9:30am開始)。 雖然有同事講過架火車好殘，但就冇諗過係咁殘。 那天早上一直在落大雨，我已經見到窗邊有少少滲水(我坐窗口位)，但冇滴水。 之後我小睡一會。 起身時，發覺有點跣腳，原來地下有一大灘水!!!
然後過x ray，被發現有張雜誌，幸好只係旅遊雜誌所以冇被沒收。 去程竟然過了3次x ray，因為奧運所以咁嚴!
我一出海關就打電話俾A小姐，但打唔通，一落到火車大堂，見到整個大堂人山人海，d人又瞓、又"mouth"、又坐係地，真係好驚，即刻打番香港office求救，同事們幫我找人，而我就企係度等(因為A小姐之前send過sms俾我，話佢就到)，郁都唔敢郁。 但係同事都搵唔到佢，咁我就繼續等。 之後就淨係收到佢的sms話就到，但我就打唔俾佢，又send唔到sms俾佢。 結果等了個幾鐘，佢先至到。 佢話因為唔識路，所以搞到又坐公車、又地鐵、又的士先來到。 (深圳人在廣州蕩失路!?
咁當然唔會就咁走，點都要問下人開會內容。 之後，我們去了吃午飯，不過，那餐午飯真係求其得過份，完全係食飽就算。
之後，仲要係廣州遊蕩，目的就係想行番去火車站，但又唔識路，A小姐又唔肯問路，又唔肯搭的士。 遊蕩了1小時後，終於搵到去火車站的公車，然後剛好趕得到火車(1:49pm開)，如果唔係，下班就要等1小時。
最後，回到公司(我實在位太盡責的員工)，已經近6pm。
結果，我完全浪費了一整天的時間，今次的廣州之行完全是白行!!!
~~~
5:45am 天未光!?
6:55am 紅磡
香港的候車室，好殘
好殘的火車，原來唔俾係火車內影相!
車上提供的解悶雜誌
滲水呀!
好多好多人的廣州東站大堂，我係之後因為等得太耐，先敢係個大堂內行下 (見到有星巴克、ok、7仔、大快活!
廣州街景
如果一早見到呢幅地圖就好了。 廣州的巴士站的指示都好清晰!
回程時，架車比較新。 原來搭火車有水派!
車票
~~~~~
同事問點解唔我自己去先? 咁我又唔識路，又搵唔到A小姐，而佢又話佢就到，咁我繼續等A小姐都係正常做法!
不過，好明顯係老闆立場來講係唔正確的決定! 因為星期五臨走前，阿頭叫我係星期一前諗下點解釋!? 吓! 諗咩野呀! 即係話我錯!!! 唔係呀! 每個人的想法都唔一樣，而且這些事從來都冇必定正確的答案，點可以話我做錯!!!
沒有留言 :
發佈留言