功夫熊貓: 令人笑開懷 忘記煩惱

星期六晚去睇"功夫熊貓"粵語版。  雖然都知道這套是笑片，但就估唔到係會令人笑得咁開心，笑得好大聲，全場都笑，笑足90%時間。 睇完之後真係令我忘記咗之前煩惱緊的事。

除了笑料之外，打鬥方面亦出奇地好有心思。  施福&阿寶的快子對決，好有以前舊武俠片風格，亦都盡顯中國人用快子的精髓。  另外四俠阻止大豹一段就睇得好緊張。  而最後阿寶大戰大豹就好搞笑!

雖然片長只有92mins，但以故事內容來講就已經好足夠。 貴精不貴多!

通常香港的配音版總會係對白上加上香港的地道原素，以為會令人睇得更加有親切感，但實際上係破壞原裝版的神髓。  不過，這套就冇咁嘅情況出現。

配音方面，一聽就聽得出陳奕迅(阿寶)、何韻詩(飛虎女) & 何超儀(毒蛇)把聲。 反而要睇credit的時候先知有房祖名(仙鶴) & 成龍(馬騮-有出過聲咩?)。  其實我最想知反而係施福 & 烏龜的配音是誰，雖然他們不是明星，但既然要特別來介紹中文版的配音員，為什麼只介紹明星配音員???