20世紀少年

今晚跟朋友去睇"20世紀少年"，一套今年下半年我好期待的電影，自從公佈開拍以來就已經好吸引了，除了是因為超級豪華的演員陣容(基本上係唔知名，都認得個樣)，當然還有”浦澤直樹”的大名，雖然我只睇過"monster"的tv版，但已經覺得他的故事好有深度&好好睇!

以二個未讀過原作，一個從維基 & 雜誌上了解故事，另一個則連報紙簡介都冇睇過的人來說，這套第一章絕對容易入口，非常好睇!!!  就算是有點時空交錯亦絕對不會覺得混亂。  好多中年人都話對那個時代背景有共嗚，但就算是我們年青人去睇亦不覺有代溝。

眾人的童年部份拍得很好，幫助觀眾於短時間內了解各人的性格。 

演員陣容超級豪華，而且跟原作非常相似，所有演員都演得好出色，除了主要角色外，連只有幾分鐘戲份的配角亦都令人印象深刻。  e.g. 肥孖仔，童年&成年的笨蛋、竹中直人、森山未來、片瀨那奈、池脇千鶴、arata、退休警員(死得好慘!)…  不過，估唔到黑木瞳會演唐澤的姐姐，明明"白色巨塔"時他們是演戀人。  (歲月催人!?)

意外地有不少笑位，以童年部份最多，還有唐澤的rock友打份、拿住鐳射槍行到好近”朋友”& 豐川版”無聲火”亦好好笑。  另外，明明竹中直人是被刺殺中，但他的表情實在太搞笑，令人忍不住大笑。

難得見到久違的及川光博visual rock打扮。

故事有推理成份，氣氛懸疑緊張。  一眾平凡的人點樣跟有組織有能力的”朋友”對付呢?  最後健次要阻止巨型機械人四出破壞的部份，真是令人擔心。  到底健次有冇死呢?  (維基冇講)

bb女珈南超可愛，反而之後長大了就不可愛。  其實演珈南長大版的平梨愛，係由3000人中選出來呢!

完場時，因為見到仲有好多人未走，所以估會仲有嘢睇，結果真係有，係第二章的trailer，日本09年1月31日上，香港會否同步呢?  (上官網睇，見到第二章有藤木直人!!!)

散場時，身邊有人大講劇情，雖然那人冇講”朋友”是誰，但就聽到他說是7人中的其中一人。  哎呀!!!  佢一講，我就估係福部，因為係大爆炸時得佢一個冇現身。  (由得我估估下就算，千萬不是講答案俾我知!!!)

最後，就係要去搵返首”20^th century boy”來聽!