一週動畫雜感 (29/9-5/10/08)

Gundam 00 (#5)

超兵一號、超人部隊，果然好中式的名稱。  哈路耶不按原定計劃，反而去了救人，他好像有什麼童年陰影呢?  而這個舉動到底又會對天人有什麼影響?  二期開始播放，但未睇完一期，又去睇二期會好奇怪，所以先收下，之後才看。  (不過，已經被劇透了，知道一期的結局)

金色琴弦 (#15-16)

火原好明顯對香穗子有意，而土浦都開始察覺到自己的心意。  香穗子不小心被月森見到她拉不到普通的小提琴而對她生疑。  香穗子逃避月森，反而令火原 &土浦非常在意呢! 

王牌投手 振臂高揮 (#25 & 特別篇)

三橋的超級膽小怕事冇自信，成日亂諗嘢、騰雞、閃宿又的確好容易激死人，尤其是阿部係比堀強的人，好似火星撞地球，都唔知佢兩個日後點合作好。 

特別篇表面上係加具山當主角，但實際上應該係榛名(大家都想睇榛名)。  故事應該係本篇的一年前，榛名才剛升上高中一年級，加具山是二年級生，不過點睇都係榛名似二年生多d。  入面的榛名非常平易近人，會鼓勵加具山、講出自己選擇武藏野高中的原因、限定一日只投80球的原因 & 面對暗戀的球隊經理人會臉紅(尤其是被加具山踢爆經理人原來已跟隊長拍拖時那個超瘀表情)，真是跟阿部印象中的榛名差很遠!  原作漫畫未完，應該會有第二輯，但唔知要等到幾時。  這套真是非常好睇!!!  強烈推介呢!!!

xxxholic (#1-2)

(竟然忘記寫這套!!! 咩事呀!!!)  第一集竟然是日語原聲(聲道1&2都係)，實在太令人驚喜，但又擔心可能只有有線一時錯手!!!  第二集即刻變為粵配，不但聲道2仍然是日語!!!  希望下集仍然有得聽日配吧!!!  粵語實在是差太遠太遠了。  原作只是抽看了幾話。

彩雲國物語  

第一輯最後一集。  依!  冇話”播映完畢”!  真係會接住播第二輯!!!

火影忍者

好似係原創劇情。

魔法小神童加旋

加旋等人來到，起初好明顯唔夠打，但後來卻勝利在望，但最後一刻被雪梨阻止。  最後清麻呂終於肯俾雪梨獨自對付索菲斯。

soul eater (#26)

狂氣對博士的影響加深，加上美杜莎從旁火上加油，真是令人擔心。  古洛那的超級消極氣氛感染了所以人呢!  體驗入學竟然包括跟瑪卡課外實習，不過對手好強。 魔劍竟然肯幫瑪卡(但要給15粒糖)。  正式進入新一篇。

伯爵與妖精 (#1)

名副其實的乙女向動畫，唔知點解有好多blog主都頂唔順那些非常乙女的畫面!?  我唔覺得這套會特別令人毛管楝!  伯爵真是個大惡魔，身無分文的莉迪雅如果唔肯幫他就要被掉落海。  妖精貓好搶眼!  唯一要彈的係op竟然用本篇入面的畫面，太慳皮吧!  還有莉迪雅的頭髮畫到好似枯死的樹枝。  ed是綠川光唱的，但因為夾雜了對白，所以聽唔清楚。

黑執事 (#1)

第一話只是簡介塞巴斯的日常工作 & 家中各人。  黑maaya!!!  從未聽過她這種聲線。  小女孩、小男孩、媽媽、少女，溫柔 & 恐怖都配很好好，太厲害了!!!  但今集她的對白不多呢!  很多人都把小野大輔跟配drama的森川智之比較，我覺得小野配的塞巴斯很好(夠黑呀!)  對於最後那個商人死唔去，我覺得既失望(?)但又安心，因為如果他死了，就可以加強”黑”的氣氛，但只係因為他想對謝爾騙財，而殺了他，又好似小題大做，而且又可以令故事輕鬆少少。  (因為ed畫面係好可愛的Q版)  呀!  真係好矛盾!!!