共同邁向人生的新一頁

12月7日是好友V擺酒的大日子，雖然上個月已經註冊，但是還是這天比較重要吧!  基本上這天是女生一生中最靚，穿最多靚衫 & 不斷被要求拍照的一日，結婚前的一切準備都是為了這天! (是籌備超過一年吧!)

~~~~~

- 因為知道那天只有15度，所以前一星期已經為了外套而煩惱

- 當天早上5時幾已經要起身

- 因為光線不足，我竟然只戴了右眼的con就出門，然後在街上截車時才發現睇嘢唔清楚，幸好有帶多一對con，如果唔係都唔知點好

- 是日接新娘的重點大懲罰... 和風芥末香蕉... 由姊妹們餵都算幸福吧!

- 當玩接新娘遊戲時，剛好鄰家有位學生哥要出門，兄弟們竟然要人家吃上面那隻蕉，但最神奇係他吃完後竟然面不改容!!!

- 腳踏2吋高跟鞋，顧得腳下的碎石，顧唔到個頭，結果... 撞咗落倒後鏡

- 因為新郎是圍村人，所以會有一大隻燒豬，抬住周圍去拜神，那天好像"更上一層樓"，不斷的上落樓梯，參觀人家的村屋。  因為車子唔夠位，所以我們才不用去祠堂

我們的午餐唔係去酒樓，而係吃價值7百幾蚊的盆菜(左) & 炸鱔(右)，真係好豐富，好好味呀!  我們約10個人都食唔晒，飽到不得了

- 奶奶真係要小心服侍，尤其是那些平時已經板起塊面的奶奶。  因為奶奶跟租禮服店之間的誤會，而搞到要伴娘讓出毛毛披肩俾奶奶用，就唔係幾好啦!  雖然伴娘係friend，明白 + 唔介意...

- 雖然夜晚12點幾已回到家，但穿2吋高跟鞋行足成日又不斷上落樓梯，加上對眼戴住con，真係搞到好累，幸好之後一天請了假

- 點知上車之後竟然落雨，搞到我要冒雨狂奔回家...

~~~~~

從今以後，二人一起邁向人生的新一頁...

祝 百頭到老 連生貴子!

他們之後會搬到觀塘，我諗我們會比現在更少見面吧!

突然有兒女長大離家的感覺...

~~~~~

最後，我只想講婚前的準備真是超煩，簡單一點說如果有日我有幸會結婚的話，我一定唔會擺酒/搞咁多嘢!  如果大家真是要擺酒的話，請必須早點準備好，是各方面包括別人的事都要準備好!  (真係唔好意思都要講，我們的姊妹裙是新娘於結婚一星期前才搞掂!!!)

(另外，好唔鍾意那晚髮型師幫我set的髮型，搞到塊面好肥...)