2009年春季日劇 首集感想 (我知是有點遲...)

「名探偵の掟」(名偵探守則)

惡搞推理故事的必有規則，基本上配角一講話背後有人幫手破案開始就已經係咁笑!  本劇就好像戲中戲，角色們需要按"推理故事的規則"去演好自己的戲份。  而劇中那個異空間就好像是後台，讓"演員"們去商討"劇情"。  同意網友們所講，冇睇開/唔熱衷於推理故事 & 唔好惡搞的觀眾會好難投入。  但其實有睇金田一一 & 柯南的話，就一定會有共鳴 (雖然以前很多推理作品都有用裡面所惡搞的規則，但金田一一 & 柯南就用得最多)。  觀眾層超窄的情況下，最終平均收視過10%已經好好!  (第一&二集的收視竟然比love shuffle高，真無奈...)  這套會追看，想睇下每集會惡搞什麼規則!  (第二集就已經講主角推理錯誤!)

「ぼくの妹」(我的妹妹)

今次小田切讓的角色是非常正常，而長澤的角色就是貪錢&愛上有婦之夫，同樣是很少見，很有新鮮感。  最初以為是一般的兄妹溫情劇，但之後就發現原來唔係，友坂里惠竟然出場半集就死，真是好意外!!!  故事應該是兄妹二人如何被這件事所影響吧!  感覺有點黑暗!  (哥哥在醫院上班竟然都會收到同事的恐嚇信!!!)  不過都會追看，除非越來越黑暗。

「BOSS」

官網 & 片頭都好閃!!!  真係唔似查案劇!

強勁卡士+最hit題材，收視好是正常。 (第一集的收視是眾劇之冠，但第二集收視回落，據說跟劇情有關)!  我覺得如果最終收視理想的話，好快香港就有得睇!

開始時天海&竹野內那段真是好意外!  每個角色都好特別，最搶鏡是那個喜歡摸男人pat pat的中佬!  不過，我最喜歡/想睇的是毒舌男-竹野內豐!  但戲份不多。  唔知最後他跟天海有冇機會發展呢?  至於玩心理那段，天海跌紙條跌得好特登，所以估到她在做戲，之後就估到她教快時間。  第一集就請到武田鐵矢客串，但冇乜機會發揮。

因為此劇劇情太大路，所以唔會追看，播完之後再睇評語才決定會否補看。

「婚カツ！」(結婚萬歲)

原本打算如果這套好看的話，就會停"boss"，追這套，但結果是兩套都唔追。  不是說這套不好看，只是有點平淡，不夠搶眼吧!  而且個人對相親沒興趣!

我覺得這套才是溫情劇，說親人、朋友、情人、鄰居，以至舊社區的情，但當然主題是愛情。  基於主角論，最後中居一定會跟上戶彩配成一對。

原來"炸豬扒"跟"婚活"在日文中是同音，加上男主角的家是開炸豬扒店，所以主角們才會拿炸豬扒拍照!

(路邊社: 有收視毒藥之稱但極受廣告客戶歡迎的上戶彩，是因為有廣告客戶力薦，所以才可能跟中居合演日劇呢!)

「アタシんちの男子」(家有6子)

超胡鬧劇情，單是收數佬可以走入女子浴室而無人阻止，已經不能接受!  加上男角設定不是很吸引，所以決定cut!

比較意外是高島禮子竟然肯只裹住大毛巾出場!?

(路邊社: 堀北因為上一套日劇收視不佳，沒電視台開戲給她，所以今次要經理人公司找題材給電視台呢!)

~~~~~

60回日劇學院賞

最佳作品　1)我的帥管家 2)歌唱大哥哥 3)平凡的奇跡

雖然我覺得"我的帥管家"好睇，但得到最佳作品都有點意外。  不過最意外是網友們唔buy的"歌唱大哥哥"竟然有第二，反而好評的"三角迷蹤"&"love shuffle"三甲不入!?

男主角　1)松山健一 2)大野智 3)水嶋hiro

松山第一沒異意，但同樣地，"歌唱大哥哥"的大野智有第二，反而好戲的加瀨亮 & 江口洋介三甲不入!?

女主角　1)菅野美穂 2)榮倉奈奈 3)仲間由紀恵

結果正路

男配角　1)佐藤健 2)生田鬥真 3)椎名桔平

都可以接受

女配角　1)片瀬那奈 2)ミムラ 3)石原里美

監督賞　大谷太郎、狩山俊輔 "守財奴"

劇本　山田太一 "平凡的奇跡"

唔係"love shuffle"

主題歌　歌唱大哥哥

**結論就是fans的力量!