本月荷包嚴重出血 其之二 (23/3update)

Sony Ericsson Vivaz

想換手提電話想咗成年幾，終於都換到新手提電話啦!!!

目標由sharp sh1810c -> SE satio -> SE X10，最後變成現在vivaz.

我是3月頭在sonystyle網上預訂的(HK$3980)，因為有得送左邊那個無線藍芽耳機，而在其他電器鋪是送比較cheap的藍芽耳機。  這部手機剛剛於上星期五才正式推出，我是星期六才有得取貨。

其實如果唔係要趕係3月底前換機，我係唔會買剛剛出的手機，因為通常第一批貨一定會有問題 (以satio為例)，出咗1-2個月後買就比較穩定。 

今天才正式開始用，touch wood暫時沒什麼問題，希望之後都冇問題吧!

這部電話的系統是用S60，跟我之前一部NOKIA N73是同一個系統，所以用法沒什麼分別，只是有些名稱不同。  重量 & 體型就比N73薄&輕得多。

另外，它是touch screen，有少少唔慣，有時會唔夠大力，有時又會按錯旁邊。  還有，影相的時候，按快門會有聲，我最唔鍾意有多餘的響聲(唔係怕偷拍時俾人知)，但無辦法，SE機係一定有聲，唯有習慣下。 

這部機整體功能不錯，不過，最搞笑/最唔得係影相用的閃光燈，只可以揀長開/長關，冇得揀自動!!!  雖然未必會成日用閃光燈，但擁有800萬像素鏡頭，閃光燈已經唔係好好個隻，仲要冇得自動閃光，就真係太唔要得!  希望之後更新韌體的時候會修改啦!

23/3 updated

唔知係咪唔習慣，影相的時候一定朦查查(即手震)，但有時影近鏡又ok，要再試多d。 因為我經常用手機snap shot...

跟機的說明書超簡單，基本上幫唔手，有些setting(e.g. wi-fi)要上網睇網友製作的nokia s60指南，而說明書亦冇講螢幕上的icon代表什麼，e.g. send sms時，就唔知道哪個icon代表reply/轉寄...

所以呢!  買電話真係唔好貪新貪快，等遲d多d人用，再睇評語先決定!

另外，朋友問我點解唔用iphone，我的即時答案係"有得掛電話繩"xd  當然還有拍照像素低，價錢貴，唔上網 & 上網plan貴。

我覺得唔經常上網就用唔盡iphone的功能，e.g. twitter。  其實現在iphone的用家有幾多可以真正完全發揮iphone的功能，他們都是用來打電話、聽歌、上網/facebook & 玩遊戲，咁買其他手機都得啦!  買iphone是因為潮流興 & 型!