魔法小神童加旋 #52 (就咁就完!?)

今集依舊是超級胡鬧搞笑。 先有無厘頭體能比拚，後有新登場妖怪芭蒂自稱係加旋的女朋友(但當然係佢一廂情願啦!!) 凈係送過一條魚俾加旋，同埋係佢身邊偷望佢，以加旋咁既腦筋梗係唔記得佢係邊個啦，唔好話佢已經冇晒係魔界時候既記憶!! 跟住就係本集重點, 愛既反面就係恨，個女仔知道加旋唔記得佢之後，即刻發狂變到成隻老妖怪咁，加埋配音員沙晒聲咁嗌，真係好恐怖又好好笑!!

之但係片尾曲之後tvb竟然出聲帶話:「魔法小神童加旋已經全部播映完畢，下星期同樣時間請收睇重力王。」唔係吓話"全部播映完畢"!!! =囧= 明明戰鬥仲未完，最多話"暫時播映完畢"or學animax咁話"本季播映完畢"! 佢咁講係咪即係話佢唔再播加旋??

佢點可以咁做架??

都仲未完，點可以播到唔湯唔水咁架!!

佢當d觀眾係乜野呀! 咁唔負責任!!

佢好快d出黎講清楚!!

(謎之聲: sorry! 版主情緒一時失控

，敬請原諒! ^^;;)