阿旺新joke

其實並冇追睇阿旺, 只是間唔中睇下。 雖然都知呢套劇係唔應該認真咁睇, 但今日o個集又真係好唔make sense, 得啖笑。

囡囡係家中作動, 要阿旺call白車。 咁佢唔識打999, 打俾阿鳳都好正常。 但一陣間又話等唔切白車, 要阿旺幫手接生, 就即刻諗唔係o下話!! -_-"" 跟住個鏡頭已經係生左個BB啦! 唔係點都要準備下熱水&較剪咩??

(如果係我睇漏眼, 就話俾我知) 仲有, 生完仔架白車仲未o黎??

 

然後話個BB唔識喊, 要即刻送去醫院。 但係點解要抱個BB行樓梯??

 d後樓梯咁污漕, 個BB又剛出世, 唔感染細菌咩??

 睇住阿旺係咁跳下跳下咁落樓梯, 真係驚佢會碌o左個BB落樓梯。

最後落到地下大堂見到阿鳳(架白車都仲未o黎??

 ), 兩個人掛住講, 唔駛理下囡囡咩??

 剛剛生完先至最緊要, 分分鐘會止唔到血。

雖然唔駛佢拍到好似 咁, 但都唔好離譜, 套劇咁收得咁多人睇, 好易教壞人。