~十月新番部份op & ed短評~

前幾日已經想寫這題目, 但一直都冇時間, 唯有等到今日先至寫(因為冇人約嘛! -_-"")。 不是所有新番的op & ed都有聽, 只挑部份較出名(能力所限吧!), 而且大部份是TV size呢! 先旨聲明 - 以下純粹無責任非專業個人主觀意見, 無意冒犯, 唔o岩睇便忘記佢, 唔好擺係心度!

1) <Black Cat> : 主角係型英帥的賞金獵人(當然是男的!), 但op & ed就唔係好得, 未能令人留下印象。

2) <舞~乙HiME> : 故事好似冇<舞HiME>咁好睇, 舞衣又唔知有冇得出場。首ed比op好, 但兩首都不及<舞HiME>的op & ed。難道真的續集普遍都及不上首集!?

3) <灼眼的夏娜> : op《绯色の空》(by 川田まみ)是首快歌, 間中有好似係電話筒發出的歌聲(唔識點形容)非常搶耳, 非常好聽, 是新番中的最愛(見上面幅圖係佢都知啦!

)(來電鈴聲都係佢, 但礙於手機資質所限, 首歌播得好難聽

); ed《在黎明甦醒的少女》by 高橋洋子(即係唱 EVA op果個)首歌好型亦好聽。

4) <Blood +>  : op 「青空のナミダ」by高橋瞳, 依舊powerful, 編曲幾特別, 覺得頗熱血呢! (是第2首我最喜歡的歌!) ed「語り継ぐこと」by 元ちとせ(是元千歲嗎??), 曲子很好聽, 歌者聲線獨特(好似唱演歌咁, 可惜唔係我杯茶)。

5) <Toheart 2> : op & ed 都是好溫柔(!?), 應該頗配合動畫內容(是學生愛情類啩!?)。

6) <Canvas 2> : 是後宮作品(!?), op一般; ed - 聽不出是在唱'喵' 還是'love',  唱得'懶'Q。

7) <地獄少女> : op 歌者把聲較沉, 是有點似男聲的女歌手的感覺, 首歌冇d神秘or恐怖的感覺, 唔係好夾劇情; ed係女主角cv能登麻美子唱, 反而有d哀怨的感覺, 頗配合劇情。

8) <Rozen Maiden Traumend>薔薇少女2 : op <聖少女領域>by Ali Project招牌的哥德式曲風, 喜歡的人自然會喜歡, 覺得怪的便會覺得怪(廢話!); ed 好似係睇戲戰爭完結時會播既歌咁, 跟動畫中的alice game配合。

9) <Paradise Kiss> : 改編自矢澤愛的漫畫, op by tommy february6 (即the brilliant green女主音川瀨智子)由fashion icon唱關於fashion既動畫op, 令首歌都好fashion(好o岩跳懷舊disco舞呢!?); ed 係英文歌by西人男子組合Franz Ferdinand, 一聽就覺得好似某首80年代的英文舊歌。(兩首歌都好o岩用黎行catwalk!?)

10) <ARIA> 水星領航員 : op是首有豎琴演奏帶點希臘風味(!?)的慢歌; ed則有假日懶洋洋的輕快歌曲。

11) <魔法少女奈叶A's > : op by水樹奈々, 係聲優出碟係oricon細碟榜排名最高度(第2位), 果然係首熱血(!?)&易上口的歌; ed< Spiritual Garden>歌聲甜美, 歌曲輕快。

以上歌曲都只係聽而冇睇過配上動畫畫面, 所以可能感想會有d 偏差

。