兩週動畫雜感 (20/8-1/9/07)

明明按"存為草稿"，點解會post咗出來??

death note (animax)

misamisa演技大考驗。 首先要係面試時話自己曾經被L囚禁，之後見到雷姆知道真相，又要扮若無其事，仲要去色誘火口，取得証據。  雖然她的演技很好，但一樣令L生疑。 雷姆的舉動是否月一早吩咐???  而且雷姆幫misa殺人不是會化成灰??? 失憶的月開始覺得自己曾經係奇拿。

月都有失手的時候，俾奈南川知道他們懷疑火口(奈南川係8個人入面最帥的)。 其實四葉的人都唔蠢，一早估到火口係奇拿，咁又係，找太聰明的人做奇拿，又點可以盡在月的掌握之中。 松田本身是個好有正義感的人，所以最後佢會開槍，其實都唔出奇。 呀!!!  就快捉到火口，即係L就怏......

灼眼的夏娜

明明其他粵配的動畫都可以揀日配，但偏偏這套冇。 那個什麼使徒咁快就被打敗。 還以為撿骨師會死，不過最後都冇事，太好了。 其實這套都幾悶，希望之後會好睇d。

彩雲國物語

太好了突然可以揀日配，不用再聽難聽的粵配。 明明靜蘭大劉輝起碼5年，但樣子一點都唔似。兄弟重逢，但我只感覺到一陣腐味!?  古代都有不懂處理資優兒童的問題，因為龍蓮IQ太高，一般人唔明白他的想法，所以令他感到孤獨，才會令他的行為變得更為古怪。

KERORO軍曹

同時睇最新一輯 & 之前一輯，竟然係對舊一輯的故事較有印象，新的反而睇完就忘掉

校園迷糊大王

太太突然了，竟然有日配揀。 生存遊戲 & 學園祭好好笑，但最後好笑的卻是女子籃球隊那兩集，我想娜娜的奇異口音佔最大功勞。  美琴、麻生突然急接近，先有後夜祭的公主王子共舞，再來女子籃球隊的訓練，睇睇下原來麻生才是最帥的男生，加上之前運動會的騎馬戰二人又合作無間，所以其實他們都好襯。 反而花井就實在是太變態了。 麻生話只要美琴願意繼續打籃球，他會為她親自選球鞋，哪算是表白嗎?  美琴聽到之後好似好開心呢!!!

翼之奇幻旅程

知道TVB播第二輯，不過播了一半先去睇。 一開始睇竟然見到好耐冇見的基路仔呀!!!  兩隻可愛動物 + cutie到爆的聲音，真係冧死人啦!!!  不過侑子把好唔夾呀!!!  明明是神秘大姐，竟然變成友善的鄰家大姐姐。  最後幾集因為不知道變為播1小時，所以miss了幾集，而且突然想聽下阿修羅王 & 夜叉王的粵配，所以唯有等重播，我想要等一年吧!  其實第二輯的故事有6-70%係原創，點解唔等耐d先出第二輯呢?  因為東京篇的故事已經脫離兒童向，而進入黑暗向??  另外它的節奏好慢(比火影仲慢)，真係睇到想睡，如果唔係愛的加持，我一定會支持唔住。

death note (tvb)

初期的月，雙眼依然帶點清澈，幾時開始變得混濁邪惡呢?  雷其實死得幾無辜，原本他已認為月不是奇拿。 而直美其實是一個突變因子，是用來睇下月 & L哪個比較好運，結果當然是月!  直美的死，我只看了漫畫，因為她實在太可憐了，連自己點解死都唔知。 L可愛(?)的行為 + 千秋王子的聲音，真係殺死人!

~~~

animax 9月會播honey & clover season2!

~~~

因為想要野田妹個袋，所以諗緊要不要買港版的LIVE CD，但入面的音樂我一早已有齊 & 我又唔捨得用個袋...