一週動畫雜感 (3-9/9/07)

death note (animax)

整個追捕火口的過程看得非常緊張，L & 渡好厲害呀!!!  一個識駕駛直昇機，一個槍法如神，可惜最後...  下集奇拿復活，L...

灼眼的夏娜

兩集都係講夏娜 & 吉田的少女戀愛心情，有點悶。 夏娜的口頭蟬係"好煩啊!  好煩啊!"，我近排都成日講。 終於都有新奸角出場啦!

彩雲國物語

明明格局似係秀麗 + 一眾靚仔後宮，但眾靚仔之間又好有腐味，不過最難頂係老頭子之間的BL，睇到毛骨悚然。 自從秀麗離開皇宮之後，劉輝跟她的距離越來越遠，出場又越來越少，又成日被戲弄，好可憐!

校園迷糊大王

愛理點知播磨喜歡天滿?  烏丸點解冇乜出場?  花井真是超變態，天滿應該要去為妹妹解圍，點可以掛住食!!!

KERORO軍曹

其實上星期有一集講kururu & 睦實(623)的相遇經過。 睦實好厲害，可以見到隱咗形的kururu!  我覺得佢真係似外星人!  (題外話: 其實睦實的角色係參照EVA的渚薰，剛剛日本開始上映EVA新的劇場版，好想睇，唔知香港有冇機會出DVD呢?) 另外，這套入面其實都有好多隱性GL & BL的情節(好明顯的有tamama對keroro & 小雪對夏美的喜愛)，一點都不適合兒童時段，好難得TVB竟然冇cut!

death note (tvb)

月哄南空直美講真名嗰段其實都幾牽強，謹慎的她無理由咁易被人哄到，仲要唔知死咗係邊到，真係好慘!   另外，那個小型電視亦有點不合理。 (原來有好多人連漫畫版都未睇過架!)