~小魔女好想有閒情日誌~: 99%濃度的朱古力，你食過未?

2007年9月16日星期日

99%濃度的朱古力，你食過未?

公司的同事們都很喜歡吃dark chocolate，基本上不同濃度的朱古力都食過，之前見到有得買99%，於是就買返去試下。

嘩! 第一啖咬落去，已經苦到不得了，係一種唔知點形容的苦味，總之就好苦啦! 根本唔可以再咬多啖。要根據盒面所列(應該係)，跟其他較甜的食物一齊食會易入口d。冇錯，吃過了99%朱古力之後，其他濃度的dark chocolate都變得不苦了，仲覺得甜。我只吃了一粒，其他同事更只吃了半粒，便吃不下去。不過都有同事覺得冇乜嘢。最後我們把餘下的半排朱古力全都俾晒某個很愛吃的男同事。還好買朱古力的錢不是我的，我只是負責買。