明珠台播 "螢之光" 呀!!!

剛剛睇"HOUSE"的時候，見到明珠台買"螢之光"的廣告，係下星期一(14 jan)9:35pm開始播。 之前仲諗緊播完"女王直播室"之後會播什麼日劇，tvb能夠安排一個時段專播日劇真好呢!   嘩!  真係估唔到咁快就有得係免費電視台有得睇，日本才剛播完幾個月!!!

原本仲打算係呢排冇乜劇追的時候，繼續睇埋佢，依家可以轉睇電視啦!  不過，個後時間應該未返屋企，要set完預錄，咁又可以聽下粵配!

另外，一直好想睇的"華麗一族"，終於有得係翡翠台播，係下個星期六(19 jan)10:10pm。 好突然呀!  之前睇節目巡禮時，知道翡翠台會播已經好期待，但自從有數碼廣播後，又開始驚佢會只係高清翡翠台播 (我個區要等到8月才有得睇呢!)，好在最後都有得睇。

時間可否過得快d呢!?