博益結業!!!!!

睇新聞先知博益突然結業，真係真係好好好突然!!!  年年書展，佢的攤位都係最多人，又幫好多有名的作者 & 藝人出書，真係諗唔到佢會結業，絕對冇可能是因為虧蝕吧!!! (去年書展，佢再冇租最近入口的攤位，唔通已經係先兆!)

而且仲話係書店買的書，買到3月，之後就回收銷毀!!!  唔係嘛!  好浪費呀!  唔出新書，繼續翻印舊書都得啫!!!

唔單只本地的作者擔心攞唔返版權，讀者都擔心冇書睇。 我第一時間就係諗赤川次郎的書會點???  之前因為博益係皇冠出版攞咗赤川的爽香、小偷、新娘...系列的中文版權，搞到大部份赤川出名的書都只係由博益一家出版。 依家博益執咗，版權又唔知點搞，咁一定有一段時間冇赤川的書出，希望件事可以快d解決，如果唔係，今年書展一定會冇書買。

要快d去書店買返d舊書先!