驚天奪寶：世紀秘冊 ~ 冇得揀之下的唯一選擇

其實這套戲是去年聖誕上映的，我是想睇這套多過"魔幻羅盤"。

emily約我昨晚去睇戲，因為新片全都是星期四才上，所以唯有在舊片裡揀，這套就成了我們的不二之選。

我覺得它好睇過"魔幻羅盤"，因為內容豐富，四周圍去尋寶，解謎，入白金漢宮的禁地，美國總統的辦公室，仲綁架美國總統(其實只是設法跟總統獨處)，有機關重重的寶藏...  作為一套商業娛樂片，我覺得它絕對ok。就算冇睇過上一集都冇問題。(我有睇第一集)

寶藏的機關其實是有意思的。  人們會因為想接近小金像而中陷阱; 而脫險的方法，就是要有人肯自我犧牲(當然係要有2個or以上的人跌落陷阱); 但其實仲有一個可以不用犧牲同伴的方法，就是已脫險的同伴肯用大金像來交換。  即是只有不為眼前利益所動的人，才可以找到寶藏吧!

我覺得壞人唔一定要死。  雖然最後壞人肯自我犧牲來讓其他人脫險，算是為了表明人性本善，壞人最後都悔改，但都唔定要死吧!  可以是壞人最後被主角的不計前嫌所感動，大家一齊逃脫後，聲聲相識，成為朋友吧!  不過呢!  要一個莽顧途人安全的壞人突然在最後變成大好人，好怪!

另外，尼古拉斯基治個樣好怪，好似剛剛拉完面皮咁，好光滑，唔通真係去整容!?

應該會有第3集吧!  總統叫主角去睇秘冊的第47頁，就是為下集舖路。

~~~

看了"末世凶煞"(cloverfield)的tailer，好吸引，有d興趣，不過今日上yahoo電影，見到影評只有一粒星，評語好差，嚇咗一跳，要去睇下專業影評人點睇先。