之前朋友給了兩張海洋公園贈劵1月26日就到期，經過左計右計之後，最後選擇1月23日那天去了。 (因為農曆新年前的工作基本上已完成) 對上一次去海洋公園已經是6年前。
那天雖然是平日，但都有好多遊客，主要就是自遊行的國內同胞吧! 因為我是不玩機動遊戲的，所以不用跟同胞們排長龍。 原本打算玩那個旋轉觀光塔的，但因為人多而放棄。
今次是在大樹灣下車，所以我們先在山上遊覽。 第一站是去看海獅。 有一隻瞓係石頭上好似瞓咗好耐。
之後是我未去過的水母館。 入場前竟然硬性迫人影相，而且一張相要過百元，雖然可以唔要但都唔好咁掠水吧!
水母館其實不算太，但因為入面四周都是鏡，所以感覺好大 (朋友撞了一次埋鏡)，水母好靚，加上不同顏色後更靚，但請不要用紅色燈，好刺眼。
再之後去了海洋館(其實去了好多次，每次都會去)。 好多人(自遊行)，每個小魚缸前面都堆了一大班人。
我們打算睇3:30pm的海洋劇場，但2:50pm場內就已經坐滿四分之三!!! 到就快開始的時候，連上面都企滿了人呢!
今次的表演有一部分是請兩位觀眾去餵海豚，突然間其中一位觀眾跌落水，然後被海豚救起。 她跌下去時，真係嚇一嚇，但原來係由工作人員扮呢!
之後我們就坐免費巴士落山。 (因為我唔肯坐吊車，那天咁大風，又係海邊，一定更加唔會坐) 之前已經問過，那些巴士是每半小時一班。 原本以為只有我們搭，但到快要開車時，巴士已經是企滿人呢!
到達山下的時候已經快5pm(6pm就關門)，所以我們只去了熊貓館 & 荒失失奇兵館。
今次去熊貓館除了安安佳佳外，主要就是見下盈盈樂樂，睇住佢地係咁不停口食! 其實都分唔到邊隻係盈盈，邊隻係樂樂。 只知道有一隻熊貓明明自己面前已經有一大堆竹葉，但仲要走去搶另一隻的竹葉食，之後被搶的一隻又走去搶人嘢食的一隻旁邊一齊食，真係為食!
館外還有展板展示關四川地震對熊貓家鄉的破壞。 地震時，小熊貓們都驚到攬在一起呢! 牠們的家不但被毀了，也有熊貓死了。 所以熊貓們也在等着重建家園。
至於那個荒失失奇兵館其實就是把電影中的場景搬出銀幕吧! 同樣有那個掠水的攝影檔。 不過，我們見今次是免費入場，所以就花了$110去買兩個相片鎖匙扣。
今次去發覺不見了鯊魚館，是改建成為中華鱘館嗎? 還有好像不見有企鵝，以前好似有的!?
~~~~~
公園24日才開始新年節目，所以那天我們只看到那隻大金牛。
中華鱘閉關靜養，唯有睇模型
造型得意的回收筒
熊(貓)出沒注意!
好真的假熊貓
好可愛的企鵝公仔，大的唐裝企鵝要$199，所以買了細的
還買了左邊的風車，應該是今年最靚的新年風車
還有咬魚系列(?)鎖匙扣，買了海獅、海豚 & 相入冇的企鵝
~~~~~
今次當然是帶同新相機去拍照。 但之後才發現，因為用了1000萬像素拍攝，每張相的size有大約4MB!!!
沒有留言 :
發佈留言