好特別的婚宴

昨天買完相機後，就去了一個舊同學的婚宴。

以前的婚宴好興係中場時間去玩新人，之後就改為同賓客玩遊戲，到現在就變成什麼都沒有 or 睇下求婚/註冊的片段就算。

不過昨晚的婚宴就非常之特別，新郎哥竟然準備了一part solo表演，唱了3首好有意思的歌(都是譚校長的舊歌)，加上他對新娘子說出的感謝說話，完全感覺到他對新娘子的愛。  之後更即場求婚!  原來新郎哥還未曾向新娘子呢!  不過新娘子即刻話"我尋日嫁咗啦!"

除了新郎哥外，連兄弟姊妹團都好有心思。  他們竟然把溏心風暴的主題曲"講不出聲"改了歌詞，中間加插他們對新人的祝賀，再拍錄音片段播出來!  最搞笑係把那句"你終於嫁得出"repeat3次!

我覺得婚宴就是想主人家 & 所有賓客都開開心心呢!  所以要搞的話，就唔單只係好好睇睇，仲要搞得好難忘。  咁樣先可以令所有參加的人都有一個難忘的回憶，10年後都仲可以攞返出來講。