公司春茗

昨天才是真正的公司的開工吉日，終於都收到開工利是啦!

而昨晚也是公司春茗。  我非常之幸運地抽到細獎，現金$500。

因為春茗唔係淨係得老闆 & 員工，還有高層們扶老攜幼，一家大細出席，有時連合作的大陸工廠老闆&家屬也邀請。  所以春茗入裡必有的抽獎，並非只有公司員工有份!  而係所有出席的人都有份。  咁就由原本二十幾人，變成三十幾人，而且今年更加加埋係上海冇份出席春茗的QC同事，即係變成一共四十幾人!  但禮物的數量都係得十幾份，無增加。  所以競爭咁大，真係冇諗過會抽到獎。

今次抽到細獎都很好啊!  起碼金額不大，不用被屈萬歲。  曾經有同事抽到幾千元，請飲茶，結果要倒貼呢!

其實講好運就點都唔及老闆 & 其親戚朋友，他們真係年年都抽到，仲要係幾個。  不過，老闆本人抽的話，佢係會識趣地攞返出來再抽的。