~小魔女好想有閒情日誌~: 5月 2007

2007年5月28日星期一

本周動畫 (21-27/5/07)

death note

因為病了，所以沒看

今日是魔王 2

終於看見真王(個樣好似科魯法蘭)，但睇唔明他們是怎樣封印創主。連有利的哥哥都去了魔界。他、村田 & 康勒特都一副若有所思的樣子，果然係代表有事發生。 (科魯法蘭被創主上身?) 總算進入戲肉。

動物橫町

表面是低齡向作品，但實質上我覺得絕對唔係咁幼稚。 (大長今才是真正的低齡向) 而且好好笑，我想是配音的功勞! 3隻動物的造型都好cute: 健太係典型熱血男兒(熊仔); 依沙係天真可愛率直的熊貓; 小爾絕對係披著可愛兔仔外衣的小惡魔，有破壞冇建設，唯恐天下不亂，但亦法寶多多，如果冇咗佢，套片就唔會咁好睇! 至於主角小美(5歲幼稚園生，但絕對不是傻乎乎好易哄那類型)，可說是唯一可以對付小爾的人。

bleach

石田不用打就被人捉咗，咁都好，唔洗再打得咁辛苦。是不是因為井上係女仔，所以就算被捉到都唔洗被困住? 其實點會把3個敵人關在一起呢? 戀次 & 鄒森自己逃獄(鄒森個樣仲好可怕!)，而吉良就被市丸救走(市丸個樣都好恐怖! 而且硬係覺得佢地之間有d野)。原來佢地3個讀書時，一齊係現世俾大虛襲擊，但點解有咁多大虛一齊出現，仲要係由藍染 & 市丸去救佢地，真是純粹巧合?

2007年5月27日星期日

America's Next Top Model VIII (27/5/07)

有女孩子的地方就會有是非。 natasha的丈夫真的是40幾歲? 她到美國的時候不懂說英文? 那真是好難令人唔聯想到郵購新娘! 不過只要他們是真心相愛就冇所謂。

雖然sarah的衣著是dionne & renee出主意，但為什麼贏的不是dionne or renee? 那就表示她們有些地方不妥，所以才會由sarah勝出。 (而sarah亦因此可以晉級)

renee做咗一集好人，之後又故態復萌，所以下集jael終於忍唔住要話佢!

難得有2個plus size的女仔入圍，但都難逃被out的命運，依家只餘下一個孤身作戰，看來都好難支持下去!

其實best shot的定義是什麼? 那些相全都是評判的主觀揀選。 e.g. jael影相的時候，明明好good，但best shot就唔係幾好; 而dionne明明就唔係幾好，但張相又好好。我諗跟節目的吸引度 & 話題度有關吧!

p.s. 唔覺意咁知道咗冠軍係邊個。佢都唔錯，除咗有d自大，其實只要唔係renee就冇問題。

交響情人夢 nds game 進度

目前係死咗係goro太的太空game level 2，一日唔過關，一日都玩唔到其他嘢! 那種game就係我最唔擅長，最怕玩的，所以我覺得好難玩呢! 點算好呢??? 我有諗過搵人幫我玩過關呢!

依家指揮家有3個，圖有4張，樂器一件都冇，睇嚟就算有幸俾我打爆機，都要再玩多幾次先可以儲齊所有嘢!

另外，最好唔好係搭巴士時玩，會玩到眼痛 & 頸痛，而且坐雙人位時又要讓俾入面嗰人出來，真係好"呢hei"。

2007年5月22日星期二

America's Next Top Model VIII (20/5/07)

renee為什麼認為過到laser就一定會有鑽石鏈? 要表演最好那個才有呢! 她盡對是失去自信才會看別人唔順眼。今集要不是因為她心情低落，她未必會影到best shot，當她被稱讚時，自信心即刻返晒嚟! 下集仲風騷到四周惹火頭!

今集大部份人的相都影得好好，好少有呢! (原來扮死屍係最易，但點sell衫呢?) 所以只要有少少唔係咁好就會被out。其實jael影得唔錯，為什麼她會覺得自己影得差呢? 而jaslen都影得好好，又為什麼排名那麼後呢?

本周動畫 (14-20/5/07)

death note

我好似冇睇!

灌籃少年(dear boys)

睇咗一集，明明是寫粵/日語播放，為什麼會是粵/國語? 除了主角哀川比較靚仔外，其他人一點都不靚仔。打籃球時，用上3d，看得有點頭暈。吸引度0

今日是魔王 2

返回地球處理一些危機，沒什麼好看。下集講4千年前真王的故事，應該會好看。

動物橫町

keroro播完都唔知，這套睇咗少少，好似幾得意，有時間會睇。 (真的要有時間先得)

bleach

石田sole對戰，好型啊! 那個變態隊長真是超變態，超恐怖，連他把刀卐解後都核突過人! 殺不了他，好唔抵呀! 我真的以為那個副隊長會俾毒藥石田，雖然明知jump的漫畫是不會的。看到石田那麼辛苦上到去懺罪宮時，竟然見到另一個隊長等緊佢，立即覺得"唔係呀話"，他一定打不過那隊長呢! 所以預告中他已被捉了。 (原來石田的爸爸都好cool好型的!)