~小魔女好想有閒情日誌~: 12月 2008

2008年12月26日星期五

X'mas party x 2 @ 24 dec

1st X'mas party

當然係公司那個大食會+抽獎啦! (食物就由平時負責煮午飯的嬸嬸負責，好過搞bbq) 今年公司縮皮要我們自己買聖誕禮物來交換，價錢$100。不過都有個有獎問答遊戲，但唔係人人有份(只有8封利是)，而且問題仲要係有關員工手冊!?

但係那個大獎的問題都幾好玩，就係要我們5人一組，再揀兩個人出來講出隔離組的組員中文全名。雖然全公司只有廿多人，但平時大家只叫英文名，中文名真係考起! 我那組超唔好彩，要估那組入面有3個同事都未過試用期，唔好話中文全名，連姓氏都唔記得，我們當然係慘敗啦! 不過就算係一齊做咗幾年同事，還是負責人事的秘書，都唔係一定記得全名。所以這個看似簡單的遊戲，其實都幾難，又好玩，亦都可以令你記得同事的中文名。

雖然話禮物不可超過$100，但老細出手又點會咁少! 禮物竟然是nds!!! 不過，nds已經流行一時，公司的年輕同事大部份都有啦! (我個部都放底咗幾個月冇玩!) 幸好抽到那位就係冇nds!

最受歡迎禮物

這個face bank簡直令全公司女同事為之瘋狂!!!

我就抽到面膜，但買的同事竟然連價錢牌都冇搣走! (不過搣走都冇用，個價錢大大隻印咗係個盒上面)

至於我就買了上面的杯麵形廁紙筒。 (但後來先發現原來買貴好多) 因為未夠$100，所以要再買多一件禮物放入廁紙筒入面。本來買了個日本杯麵，但太大個放唔入，結果就俾我見到下面那個聖誕造型廁紙，就放咗個鹿頭入去! (好貴呀! 一卷要$20)

2nd X'mas party

之後去了朋友家，玩了那個 honey & clover入面傳說中的恐怖扭扭樂!!!

玩到成身汗，手痛腳震，真係好恐怖!!!

其實我們玩到完全犯哂規，又"貴"又坐，郁動的時候連其他手腳都郁 (冇可能唔郁吧!)，如果跟捉規則應該好快就玩完!

我決定下次要買手指扭扭樂來玩!

2008年12月25日星期四

一週動畫雜感 (15-21/12/08)

Gundam 00 (#16)

來救他們的是3部同樣擁有GN粒子的高達!? 後半部算是總篇集，但由那個神秘的聯合國大使&那班監察者的視點出發。韋達到底是誰? 他跟伊奧里亞舒格堡又有什麼關係? 而那個聯合國大使跟那班監察者又有什麼關係? 現在只知那班監察者是負責監察韋達的計畫，連天人都是由他們監察。不過連他們也不知那3部新高達的存在呢?

黑之契約者 (#5-6)

上星期批評太悶，這兩集就完全相反，非常有追看性。有新的契約者出現，是來自英國的MI6。原來地獄門不只在一個地方出現，而且是會消失!? 而附近的契約者亦會因而失去能力，但一接觸回地獄門又會恢復能力!? 其實今集重點是黑的背景，他有一個妹妹，但失蹤了，而今集出現的女主角(?)，就是找回妹妹的關鍵人。另外，他被懷疑不是完全契約者，因為他的性情跟一般契約者不同。最後的結局有點悲傷，那個女的都是難逃一死…

xxxholic (#23 & 外傳)

四月一日跟那個寂寞婦人，完全是那種韓劇式的為世不容、愛你變成害你、人鬼殊途的愛情悲劇。最後由百目鬼一手了結，雖然一直強調他們二人之間的牽絆，但一點腐味都沒有，而且又不太覺得網上有熱烈的腐女討論。好奇怪!?

外傳是關於四月一日升初中前的故事，當時他遇上了同樣看到鬼怪的男孩，感覺跟那個寂寞婦人的故事有點相似。可以當成補完在四月一日遇上侑子前是如何平安逃出妖魔鬼怪的魔掌。 (因為那個男孩教曉他鬼怪的種類 & 對付方法) 可惜最後他們還是要分離… 還未決定會不會接住睇第二季，雖然只有十多集，但也要視乎時間吧!

彩雲國物語2 (#11)

丙太守沒事! 師奶們好強!!! 果然女人面對逆境的能力比男人高!