3週年了!!!
時間過得真快!
正確的開blog日子是11月6日，但我又一如以往般忘記了。 不過今年有進步，在仍然是11月的時候記起!
(其實上個兩個星期才記起
)
之前那個一連15天都有更新的舉動，就當成是非常巧合的surprise gift吧!!!
(不過真正感到surprise的人是我!!!
)
雖然前境突然變得暗淡，但請大家繼續樂觀面對吧!
當然我都有很多煩惱的事，但都不要忘記要找令自己快樂的東西! 我目前的宗旨就是工作時(盡量)努力工作，玩樂時(必定)盡情玩樂。 (至於脾氣就當然一定要"適當地"發，只是要不影響別人，屈住屈住是不好的!)
4週年再見!
既然有睇上集"智破皇家賭場"，這套續集"量子殺機"就當然冇理由錯過。 而結果當然係好睇!
延續上集故事，james仍然是個剛成為"00"級的間諜，被愛人-慧斯柏出賣，但愛人又被殺，他只想找出真相/真兇，為此他不擇手段的取得情報，違反上司指令，殺掉證人。 因為他睡不著，所以面容(朝絮)。 因為遇上同樣要復仇的女子(忘了名字)，加上間接害死幫他的人，所以令他成長了(?)，在最後沒有殺掉疑犯。 不過，感覺上故事還未完，今集那個奸角唔似係殺慧斯柏的人，而且他最後應該是被同黨殺死，即是那個神秘組織仍未完全被消滅啦!?
動作場面仍然出色，一開場就有汽車追逐，隔一陣又有人群中追逐，之後又有海上追逐，最後還有火場埋身肉搏，真係令人睇到目不轉睛!
角色方面，james繼續有血有肉。 女主角雖然唔算靚，但起碼唔買弄身材，又落手落腳打，有別於以前的邦女郎，同樣令人感到有血有肉，不再是花瓶。 不過花瓶邦女郎始終都要有，就是出場跟james談情後就被殺了。
另外，james最後同女主角冇下文，都算是007片一大突破!
Gundam 00 (#12)
算是為瑪麗娜&剎那再相遇而舖排。 那個聯合國大使跟天人有關係?
Gundam 00 season 2 (#8)
實在太驚嚇了!
實在冇眼睇兩個男的在跳華爾滋，而其中一個仲要扮女人。 原來那個女是迪尼亞喬裝的，未來的科技真是太厲害了!!! 而且非常難得皇小姐有那種想法(還幫手配音) & 迪尼亞又肯做。
奔向地球 (#1-2)
改編自30年前的漫畫，但又唔覺得好舊。 第一、二集都仲未知道究竟發生什麼事。 Blue好型!!!
不過這套可能睇多兩星期就唔會再追，因為冇得睇animax。 而且結局好似是sad ending!
xxxholic (#15-16)
雙胞胎姐妹的問題就是”語言”，說什麼都能成真。 幸好最後姐姐都肯付出代價請侑子為她實現”改變”的願望。 這算是目前為止的事件中唯一有好結果的! 管狐因為之前的事而變不回本來面目，跟四月一日一樣大的它整天纏着四月一日真是很好笑! 之後四月一日再遇座敷童，場面 & 音樂都好浪漫啊! 不過之後她好似好少出場呢!
彩雲國物語2 (#7)
秀麗的講價功夫真是太厲害了!!!
火影忍者
螺旋不斷被攻擊，又無力反擊，真是好慘呀!!! 不過見佢終於都認同嗚門的想法，就好開心。 而且最後他都打敗了那個蜘蛛怪人!!! 但諗起大家拚命救回的佐助，最後都是離大家而去，好傷心呢! 君麻呂終於出場!
魔法小神童加旋
加旋&清麻呂+雪梨&布拉哥終於都打敗那個城主，返回人間。
soul eater (#33)
伯爵與妖精 (#7)
愛德格中毒昏迷，莉迪雅唯有答應跟格魯比回妖精國以換來解藥。 不過，愛德格當然唔肯，一面利用花之精靈來收服那個想殺他的組織，同時又得以去到妖精國找莉迪雅。 最後因為愛德格的花言巧語，莉迪雅只好答應他的求婚，以重回人間。 因此莉迪雅就成為愛德格的未婚妻! (愛德格點會肯解除婚約啦!) 原來那個帶着一隻黑狗的金髮男子是愛德格的敵人 – “王子”的手下。 而雅美原來已變成妖精成為那個金髮男子的手下，是當無間道嗎?
黑執事 (#8)
明明上集氣氛仲好好的，今集就被那隻裸男(人狼/犬)破壞晒!
連有型的塞巴斯都失準了。 唯一可取的地方就是腹黑謝爾!!! 果然女僕是唔簡單，明明那隻是殺死主人的兇手(兇犬)，但竟然完全冇怪責它。
最嚇人的竟然是那隻裸男仲會出場!!!
Gundam 00 (#11)
今集主角是阿路耶。 他曾是超人機關實驗品之一，即是跟超兵女一樣! 哈路耶是他的第二人格，性格兇殘，跟阿路耶善良的個性完全相反。 那個聯合國大使到底想點?
金色琴弦
其實我想講好耐，ed曲”CRESCENDO”好好聽! 歌是由片中5位男角所唱，算是少數好聽的男聲優合唱曲!
xxxholic (#13-14)
明明是天使翼，但原來係妖怪。 管狐現真身保護四月一日好型啊! 雙胞胎姐妹的姐姐到底有什麼問題呢? 首次一個故事分兩集，好期待下集!
彩雲國物語2 (#6)
原來是堂主大人請求影月分一半靈魂給他以延長他的壽命去研究疾病! 邪仙教竟然話要捉秀麗當祭品!
火影忍者
螺旋好型啊!!! (頭髮放下來也很好看!!!) 講實力，他應該是5人中最強，而且又有頭腦。 搞到蜘蛛怪人埋唔到身。 蜘蛛怪人竟然不斷用一大堆蜘蛛仔來攻擊他，真係睇見到都令人嘔心 & 痛心! 他之前成日話自己是天才，人一出世命運已經一早有安排，所以嗚門點努力都冇可能贏他。 但今次位置調轉了，反而是他面對強勁的敵人而死不放棄!
魔法小神童加旋
布拉哥真係唔係要背叛雪梨。 雪梨&布拉哥終於肯同加旋&清麻呂合作。
soul eater (#32)
聖劍傳說第3回，竟然有人可以忍受excalibur那一千條規則!!! 有excalibur在的學園生活是很有趣。 (連死神大人都冇符!) 不過，竟然因為不停打"cx"(明啦!)，而要放棄合作，果然職人都是怪人!
伯爵與妖精 (#6)
又多一隻花精靈出現。 竟然想把誤戴了介指的波爾當成愛德格然後帶走!? 愛德格似乎對莉迪雅是真心呢! 雷溫的姐姐出現!?
黑執事 (#7)
原創故事，其實走超自然推理的方向是好的。 今集講好多狗的品種，似乎是要跟謝爾是“女王之番犬”的身份扯上關係。 有少少透露園丁的過去，其實那3個活寶貝的故事都好有興趣知，無論動畫版 or 原作都希望會講到。 還有，女僕有古怪!
有這3個就有歡樂
芝娃娃!?
世界撲滅之六人 (#13 – 最終回)
因為是最後一集，所以睇下。 原來宮野才是毀滅之核，跟世界一同被創造出來，即已經生存好幾百年(可能更久)。 因為maaya相信毀滅之核的存在，想要毀滅世界，所以就啟動了宮野(毀滅之核)。 但是因為maaya喜歡宮野，加上在旅途中的所見所聞，令她改變主意。 不過之後沒有交代宮野是否已經變回普通人，只是見到世界救濟委員會的人跟人類 & 獸人和睦相處。
因為中途停看了，所以好難評價。 不過，網友的評價就麻麻地，可能是因為製作這動畫的目的是宣傳遊戲吧! 精彩的地方都留在遊戲裡。 但是好多人說都不會被動畫吸引去買遊戲呢!
老細成日都覺得我地張枱好亂，上個月開會時終於都開口點名叫人執枱，我當然有份啦。 咁旺季多嘢做，自然多文件，就當然有點亂，其實都唔係叫亂，只係有好多嘢令人覺得礙眼。 ok，我都覺得要執一執。 但我已經執了3次，已經係執無可執，連剛剛完成的文件都唔可以留係張枱，要擺係出面的文件櫃。 搞到當有問題的時候，唔可以即時係枱面一伸手就找到，而係要出去左找右找，仲要可能被人pack起收埋入貨倉。
咁都算，今日竟然同我講要係下星期三前執好枱面上那疊信封!!!
(請見下面紅圈) 我即時好激動 & 激氣(又有點想喊，好無奈)，但又未到大叫大嚷，但都被阿頭話我反應太大!!!
我覺得人有反應有情緒係正常 (當然太大就唔好啦!)，而就算你冇反應亦都是正常，畢竟每個人都是不同的個體，但我會覺得如果明知咁唔合理都可以逆來順受唔出聲就真係好悲哀!
都唔知他是針對"我"這個人還是“我坐的位置”(一入門口第一個位)! 好明顯其他的枱面比我還要多嘢 & 亂!
張枱係L形，我個mon放係中間角位，咁d野就梗係放係左右兩旁，可能會覺得局促d。 而其他同事就把mon改為放係其中一邊，所有野就放係另一邊，咁感覺就會統一 & 整齊d。 咁呢個係只係擺位的問題，最重要是做到野就得啦!
其實老細係高層會議上同阿頭講，再由阿頭再我講，老細係唔會自己直接同你講，仲要係見人講人話，見鬼講鬼話個種。 與其浪費別人的時間去開那些問責會去鬧人，不如讓人更加善用時間去做事啦!!!
雖然他沒有減薪，沒有扣花紅/雙糧，但唔代表唔可以係心理方面打擊員工士氣。 我地已經俾工作 & 某人搞到好有壓力，好有怨氣，有d野真係唔係用錢就可以解決，因為"有錢冇命洗"! 如果唔係外面環境差，都真係唔想留係度。 不過有幾個同事就真係忍無可忍，係依家咁嘅環境下都要走。
呢疊就係傳說中令人梗眼的信封!!!
以下是有興趣但冇追看，但又好想講一下的動畫。
喰霊 -零- (#5)
當初係newtype見到宣傳就有興趣想睇，點知第一集那些宣傳中的主角就全部領便當!!! 加上唔知故事內容，所以冇直接睇，只係睇人家寫的感想。 我是那些要對收看的東西有一定的認知程度的人，因為我怕劇情會往我不喜歡的方向發展。 而這套就真是會去那方面發展呢! (對原作故事的認識是靠從各方面自行收集&理解而來)
這集超好笑。
黃泉 & 紀之這對未婚夫妻竟然會為了小事動怒，搞到召喚靈獸。 雖然他們表面上只是因為家族關係而定婚，而且非常之性格不合，不過，其實他們都喜歡對方呢! 不過，他們後來的發展真是... 所以搞到我更加怕去睇...
吸血鬼騎士 guilty (#5)
又是一套知道了劇情去向，所以沒有追的一套 (明明第一季都有睇)。 原來除了樞x優姬 & 優姬x零之外，還有樞x零這配對!!! (唔知有冇寫錯)
漫畫反而有睇，因為想睇憎恨吸血鬼的零會點面對心愛的優姬 & 優姬會否感受到零的心意。
Gundam 00 - season 2 (#7)
這套是打算睇完第一季之後才睇。
原來這個就叫做"閃光"!!! 真係好閃!
阿路耶 & 超兵女的發展真是太快了! 荒島真是個培育感情的好地方!!! 天人眾人的反應也好好笑! 不過，現在才第7集，之後他們的發展會令人擔心呢! 另外，熊爸爸真是個好人!
不過，今集最令人驚訝的應該是下面這個 "她"到底是誰??? 相同DNA... 即是迪尼亞其實是女生!? 還是那個捲髮神秘人是男人!?
唔知係咪聽慣粵配，先入為主，覺得日配怪怪地，好似粵配好聽d!!!
另外，tommy heavenly6竟然唱插入歌!!! 不過，好似跟畫面唔多夾呢! 依! tommy heavenly6出歌咁密嘅? 而且曲風偏向成熟。
~~~~~
其實，"流星之絆"都有收，但只看了第一集...
明明近來比較清閒，但反而睇片進度慢了...
