我係一個貪玩的人，就算頭痛+大傷風都要去行街，就算喉嚨痛都要食薯片。 所以明知膝頭痛，都仲想去跳舞。 係非常之唔聽話的大細路!
上星期六，因為做腳底按摩的師父話唔係發炎，咁我又覺得好咗d，所以都係去跳舞。 不過，我都係就住就住跳，搞到阿sir要企係我隔離示範俾我睇，但佢一企係我隔離，我就忍唔住係咁笑，連舞步都唔記得。
不過，無論點就住都係會用到膝頭，所以之後係會仲痛。 然後回家用暖水袋敷腳，但俾媽媽發現，之後係咁哦我。
其實都打算睇醫生，不過同事們話試下擦多幾日藥酒睇下點先。 如果唔好就去睇中醫/跌打 or 骨科。 但中醫驚佢唔識睇邊度整親，照x-ray好似好d，但骨科又好貴。
剛剛睇到新聞話周麗淇因跳舞令半月板有裂痕，要照x-ray & 磁力共震，搞到我都好驚!
所以雖然星期三都book咗堂跳舞，但應該唔會去，再休息多幾日，到星期六再睇下點。
灼眼的夏娜 (#25-26)
打完了，但一d都唔緊湊，反而天壤刧火要現真身仲令人期待，不過只睇到個影。
以為播完了，但未出"本輯完結"，係咪仲有得睇? 唔通係特別編?
彩雲國物語 (#21-22)
龍蓮突然出現，仲話要去捉鬼，但其實那隻鬼係已死去的茶太保，現在被霄太師偷偷留住(好腐啊!
)。 連劉輝都要找龍蓮幫忙，似乎他之後的戲份會很重要。 香鈴 & 影月似乎會配成一對。 秀麗終於出發去茶州，但途中不斷被殺手追殺，最後似乎要跟其他人分開，仲會同令人噁心的人相遇!?
動物橫町
山並先生竟然對亞子老師一見鍾情，然後陷入左右為難之中，不過只係佢自己既妄想。
keroro軍曹
對快到限期&必須要做而又唔想做的事，採取逃避態度，係人之常情，我經常有咁既經驗，而結果係點避都要做。 正負相減得個零，即是遇上好運其實是要付出代價，不過以夏美來講，其實跟睦實行街絕對比跟623通電話好，因為睦實=623係一個公開的秘密，見真人當然比淨聽聲好。 倒數計時器突然變成古代超級武器，點解劇情咁熟面口?
death note (tvb)
放棄筆記竟然可以連一切惡念都會消失，實在是太可怕了! 松田把所有人都想成惡魔，好有趣! L依然好可愛呀! 轉ed2，但op當然冇轉啦!
另外，animax終於係11月中續播death note，太好了!
咁究竟係咪會快過tvb播完?
今季唯一想睇的日劇，因為有4年冇拍劇的福山雅治 + 人氣急升的柴咲幸 + 我愛看的推理故事!!!
我喜歡看推理故事，小說、電視劇、電影、動畫 & 漫畫都有，e.g. X FILE、HOUSE、MONK、CSI、圈套、時效警察、赤川次郎、福爾摩斯、柯南、金田一耕助...，但不是為了要去估誰是犯人，而是純粹因為那引人入勝的情節。 (不過又不是所有的推理故事都看)
這套劇還有另一個型男北村一輝(飾 草薙)，由大奧開始認識他，在劇中跟福山一樣是萬人迷，原著小說其實是由草薙跟湯川搭檔的，兩個同是冷靜型的人，當然比不上理性 VS 感性的湯川&薰吸引，不過我都想去看看原著呢! 但第二集冇草薙，之後應該仲會出場啩!?
把雙男主角變成男女主角，亦可以令觀眾對他們有曖昧的聯想。 湯川在第二集已經開始因為薰而有點人性的行為，不過我並不認為他們會成為情侶，最多都是有點曖昧。 (要配的話，我比較支持薰+草薙)
推理劇的另一個特色/好處，就是每集都可以請有份量的特別嘉賓客串，而這套的串星又不一定是要做犯人，好似第二集的嘉賓就只演嫌疑犯 & 證人。 繼第一集有唐澤壽明，之後仲有廣末涼子 & 香取慎吾。
另外，才播完第二集，就已經話要拍電影版呢!
唔知香港有冇睇?
人物關係圖:
原著小說: (剛好有10個故事)
電影版!?
~~~
STORY
第一章: 自燃
其中一個擾民的不良青年突然自燃而死。 草薙告知薰去找大學副教授湯川協助調查。 最後湯川找出犯人的犯案手法(利用co2激光+折射)，並由薰找出犯人(唐澤壽明)。
(見唐澤用手機禁禁下都估到佢係度set緊一d野。 今集重點是表現出湯川的科學才能 & 對科學的熱誠。 不過唐澤跟福山的對手戲只有幾句對白，有點浪費呢!)
第二章: 出竅
一女子被殺，而嫌疑犯的不在場證明竟然是因為一個男孩靈魂出竅看到他的車。雖然男孩真的是看到不應該看到的車，但原因卻是因為兩者之間的玻璃廠發生事故，做成海市蜃樓現象。
(初初睇的時候，完全覺得靈魂出竅很難用物理解釋，不過結果出來卻很合理。 今集的主題應該是家庭吧! 單視爸爸為了改善生活，所以上電視，而兒子為了爸爸，甘願繼續講大話，另外一直幫他們的姨姨，亦今次的事而鼓起勇氣向爸爸表白。)
~~~
還有型男圖輯(cut吓cut吓就整咗咁多)
福山雅治 (好似戴眼鏡靚仔d!
)
(佢笑呀! 有隻暴牙，好可愛!)
(打壁球，好man呀!)
北村一輝 (側面靚仔d!)
8月22日出的the brilliant green最新single ~ stand by me終於買到了。 其實剛剛出的時候已經專登去信和睇下有冇，但行咗幾間cd舖，都只係得一間有日版限定版買，要abt $200，咁貴當然冇買啦! 之後因為冇時間，就拖下拖下到今日先至再去信和，但都淨係得嗰間舖頭有得買，台版，only$60。 順便問老闆有冇以前出的碟，但答案係"冇"。
另外，再始動第2彈single 12月12日發售!!! (今次又係王道的中板ballad)
(題外話: 真是看不出tommy已年過30!)
星期三去跳舞 (印度舞)，跳咗半堂，就feel到對腳&膝頭痛。 好驚呀!!! 膝頭哥痛，可大可小啊! (明明已經跳咗10堂都冇事，我估係因為阿sir冇同我們做熱身) 第二日一行樓梯就又麻又酸軟，只要一屈膝就唔得。 (行平路又冇事) 搞到我好驚! 周圍問人點算。 不過，他們除咗叫我休息多d &唔好再跳舞外，都冇乜辦法。
尋日去問瑜珈miss，佢話如果痛多幾日就要去睇醫生，我一聽到就心諗咁大事件，之後佢仲話如果有買保險的話，可以full claim。
(嘩!~~~ 我唔得有冇買意外保險) 不過，佢都叫我唔洗擔心，一定會冇事。
今日好似好少少。 之後上網search到有個人的情況同我差唔多，有人教佢用冰敷，咁我又係公司攞個冰包試下。 剛剛敷完好似好d，但一陣間又打回原形。 之前玩踏板，都試搞到腳痛，痛足一個星期，連行路拐下拐下，但好似同今次的狀況唔同。
明天唔知會唔會好番呢?
我想去跳舞啊! 因為好難得book到堂...
