兩週動畫雜感 (30/7-12/8/07)

現在已經係旺季好忙，加上冇乜動畫睇，所以都冇乜野可寫。

death note

我有冇錯過月 & L對打那一場呢?  松田好得啊!  扮醉行上圍闌再扮墜樓，真係膽細d都做唔到。 不過最好戲都係海砂，見到佢墜樓都面不改容，仲識得拉生意，真係天生注定做演員。

灼眼的夏娜

果然有線真係只有粵/國語可以揀，唯有揀粵語，但配音真是很差。 (彩雲國物語都有粵配呀!)  不過可以聽到op & ed都好開心。 另外ed的插畫畫得好靚。

校園迷糊大王

有幾集唔記得教預錄，所以冇睇到。 原來花井除咗眼鏡個樣都幾ok，同班又有個靚仔麻生，另外D班又有個戴黑超的cool金髮男生。 學校運動會那2集好好笑，愛理 & 播磨急接近。 配對嚟講，我比較喜歡天滿&烏丸、愛理 & 播磨、花井 & 美琴。

keroro軍曹

其實都有任何劇情可言，純粹係無無聊聊，得啖笑。

火影忍者

因為球賽所以遲咗播。 肥仔好明顯唔係音忍的對手。 明明有9個人點打淘汰賽，而且又唔係只有得冠軍果個才可以當中忍，第3場比試似為咗娛賓多d。 兜學長好西利，連大蛇丸都估唔到佢想點，而且佢的實力同卡卡西有得比，睇嚟呢個角色都唔簡單。 無端端走咗個超級大色狼出來，什麼人呢?

下星期播death note，所以電視台話"已經全部播映已畢"，咁究竟係咪真係播晒第一輯呢?  我睇報紙話d網友話唔係，咁係咪做完dn之後會播返呢?  網友話應該將dn放係同事三分親時段度播(唔好cut火影)，我覺得冇可能，反而放係以前鋼鍊的時段度比較好。希望之後仲有火影睇啦!  (我好想睇佐助vs我愛羅 & 嗚門vs螺旋啊!  仲有卡卡西!)  另外亦好期待dn的粵配。