哈利波特 鳳凰會的密令

終於都有得去睇harry potter 5，因為朋友們唔得閒，搞到得返幾間戲院有早場，差d就要我自己去睇。

小說我有睇，不過已經唔係好記得內容，只知道電影cut咗好多情節，但感覺卻好完整，沒有一節節的感覺。最後神秘部門那場，睇得我好緊張。 尤其是鄧不利多 vs 佛地魔，好西利啊!  大家都不用念咒語。 另外，孿生兄弟放煙花搞破壞那幕 & 鄧不利多用鳳凰消失那幕都好好睇。 另外都有好多笑位，主要係來自恩不居里 & 飛七 (尤其係恩不居里跟石內卜的對答)。

女角方面，恩不居里當然很搶鏡，笑裡藏刀，用陰招體罰學生，好變態好恐怖。 不過我覺得露娜更搶鏡。 一頭發白的金髮，樣子漂亮，陰聲細氣，性格有d古怪，所以成日被欺負，但又可以樂觀面對，係第一個相信哈利的外人。 (所以唔明點解係張海報度，佢張相仲細過金妮!)  同樣係新角色小仙女就令人失望，出場不多，加上形象與小說不符。 另一搶眼新角色就係天狼星的表妹，由helena飾演，雖然只有幾句對白，但已經表現出瘋癲 & 邪惡的個性。 至於張秋，我覺得她今集的作用只有哈利的first kiss & 涉漏秘密。 崔老妮出場好少，難得有影后愛瑪湯遜，但只是個大大配角，不過依然很搶眼。

男角方面，可能因為係天狼星最後一次出場，所以戲份特多，而且衣著&打扮光鮮，不再爛撻撻 (他真的死得很突然)。 哈利最後那場抗拒佛地魔侵蝕心智都演得好好呢!  奈威竟然高過哈利啊!!!   仲有石內卜 & 哈利爸爸的學生時代，石內卜年輕時個樣都幾ok。

其實roller之後仲有冇野睇呢?

小說方面，我只睇了第6集的開頭 & 結尾，因為知道哈利會同金妮一齊，所以失去了興趣。 一直以來，我都是支持哈利配妙麗(都可以配露娜)， 而榮恩就配露娜。 金妮一直都只是行行企企，現在突然殺出做哈利女朋友，實在是難以接受。 不過，我一定會睇完本書，最多skip金妮那部份。