變形金鋼 好勁呀!!!

變形金鋼，一個細個已經識亦有看過的動畫，不過內容已經全部忘記了。 由知道會拍變形金鋼時開始，已經好想睇，好想知道會拍成點。 昨晚終於去睇，套戲真係好勁好正呀!

特技當然好厲害。 變形過程雖然快，但你會覺得staff係好細心咁做成個過程的每一個小部份。 打鬥場面當然十分精彩，那個慢動作避炮彈，令人感覺到，機械人雖然又大又重，但動作靈活輕巧。 而且又唔會過份拖時間。 另外音效，剪接 & 拍攝手法都很特別，e.g. 觀眾是以軍人的視線去穿過機械人底部。 當兩派對打時，係有好多人在旁邊亂走... 總之就好特別，我唔識形容。

另外，笑位勁多。 e.g. 大黃蜂教森追女仔;  大黃蜂因為俾人話殘就走去換個新look;  一眾博派係森屋企的後園搞搞震; 還有，森媽媽那個"森仔的快樂時間"，絕對笑死你。

其實變形金鋼係咪日本動畫，因為片中有幾個好似讚揚日本的地方，e.g. 森話機械人(大黃蜂)一定是日本做; 第7部門那個神經軍官話nokia的設計獨特係出自日本。

雖然片名係變形金鋼，但主角卻是人類，咁又係，如果係機械人做主角，咁就似只係一部電腦特技片，觀眾好似較難投入，身同感受，而且亦變得沒有任何特別 & 不可以表達信息:

1) 森跟大黃蜂的友情，就好似"et外星人"，只要大家是善良的人，就算語言不同，但都可以互相感覺到對方的心意，而建立起友誼。

2) 機械人/外星人亦有"人性"，大家都有善惡之分

3) 勇氣。 在高科技外星生物面前，人類真是很渺小，只是數十分鐘，成個軍情基地的人就死晒，毫無還擊之力。   不過，就算係咁，人類依然沒有放棄，憑勇氣 & 決心去奮力一戰。 (沙漠村莊那場，看着幾個生還的軍人努力地想辦法去對付機械人，看得我好緊張!!!)

4) 反戰。 史匹堡的電影總會有此message。 軍人要離開家人上戰場; 美軍跟中東女孩的友誼; 柯柏文話，人應該有選擇的權利，即唔係你話人地係醜惡，就可以去殺人。

5) 諷刺美國。 美國一覺得受威脅，就認定係伊朗/中國/北韓做。 一有唔妥，就立即去你屋企，拉人封舖，唔需要解釋。 第7部門就好似那個反恐組織，零架在一切軍方組織之上。 森媽媽話如果政府知道有外星人存在，就一定會告知公眾，但實情係收埋麥加登200年!  仲有個神秘組織連國防部長都唔知!

6) 知己知彼、派臥低混入對方陣營。 狂派一來到地球就先混入美軍 & 警察，連空軍一號都上埋，方便調查 & 行動。

不過，科幻大片在故事方面難免一定有犯駁位/疑問存在:

1) 點解博派來地球會咁張揚，但之前狂派 & 大黃蜂來的時候就冇人知?

2) 柯柏文在外太空都可以由互聯網學習英文?

3) 大黃蜂又點知道森的祖先就係發現麥加登的人?  狂派都要勞師動眾去查先知

4) 博派可唔可以去變飛行物體? 狂派有兩個機械人識飛，博派一個都冇好輸蝕

最後麥加登死了，而能量方塊亦被毀滅，看來故事已完滿完結，但最後卻出現了狂派變的F22飛出地球的畫面，咁即是有續集???  其他狂派會來地球找柯柏文報仇?

~~~

因為emily的同事話roller之後仲有嘢睇，所以我地留低，但點知d全場人走晒，得番我地，d職員又望住我地，所以emily即刻打去問清楚個同事，原來剛剛出roller時播個3段就係，咁我地就好快 & 好瘀咁走。