death note (tvb #35-37)
估唔到tvb會係08年前播完death note。 高田死得好可憐，完全是月手上的棋子，完全被利用。 米洛的助手都死得好慘(睇漫畫時已經覺得)。 米洛是否是為了捉奇拿而自願冒險呢? 不過最後尼亞所講的二人聯手就好令人感動，起碼會覺得米洛冇白白犧牲。 魅上寫名個陣好型! 但失敗之後就面容扭曲，最後佢自殺個幕，好誇張，d血好似花洒咁噴出嚟。 月最後的腦殘表現，我覺得都算合理，因為佢一直太自視過高，所以會接受唔到自己的失敗而short咗。 松田的表現亦都合理，雖然佢buy奇拿，但佢接受唔到月就係奇拿，一個欺騙同僚&家人的人，所以佢唔想月再錯落去。 唯一唔係幾合理的地方就係謝班尼用一晚的時間去複製筆記吧! (雖然係行得通) 尼亞話月"只係個受到死神力量誘惑的普通人" 講得好啱，因為自從月得到筆記後整個人都變晒。 (最後月死前與未得到筆記前的自己相遇就是這個意思吧! 其實last boss就是因為無聊而把筆記掉在人間的流克，因為他一早已知月的壽命有幾多。 L出來接月，但月唔係天堂&地獄都去唔到? 而L應該是去天堂，那他們應該是去不同的地方吧? 最後海砂係咪企係天台想自殺? 我覺得動畫版在處理故事方面幾好，而結局亦比漫畫做得好。
就故事而言，death note夠特別，應該算是經典吧!
另外，完全估唔到tvb竟然會有"你個腦裝屎"這句對白!!!
彩雲國物語 (#39)
第一輯最後一集。 秀麗終於跟劉輝見面，雖然秀麗已表明為了理想而拒絕劉輝，但劉輝唔俾秀麗講出口，那表示只要秀麗一日未明言，劉輝都仲有機會。 不過我覺得二人最後的對話，似是大家都明白秀麗只是因為理想(&劉輝的身份)，所以唔可以同一齊，而唔係因為唔喜歡劉輝，那即是秀麗心中是有劉輝的，他們將來仍是有機會一齊呢! 另外原來邵可是如此明白劉輝呢! 只要劉輝越來越是個好皇帝，他跟秀麗的距離就會越來越遠，他自己亦會越來越孤獨。 真是一對苦命鴛鴦呢! 之前看了最新一本小說的最後兩章(網上翻譯)，故事似乎開始着重於劉輝，好似幾好睇，有d想睇小說呢!
keroro軍曹 (#145-146)
keroro一行5人按k隆星的童謠歌詞所寫的失蹤，很有金田一耕助小說feel! 不要忘記冥王星，這套動畫果然很喜歡kuso熱門事物。
雙面騎士 (#14-18)
麥克西米利安究竟有什麼目的? 原來梅亞麗王妃是因為愛上姐夫(同時亦敬愛姐姐)所以要求把姐姐的靈魂降靈在自己身上，現在自己已分不清自己到底是誰。 她鼓勵迪安去接受麗雅的靈魂，讓他們一同寄生於同一個軀體中。 但我不認為接受姐姐的靈魂，就要讓自己失去自我，變成既是姐姐又是弟弟，混淆自己的身份吧!
death note (animax)
雖然已經於上星期播完全部集數，但仍然繼續在原本的播映時間內播放，不過我已經冇睇呢! 我唔想同一集睇4次。
沒有留言 :
發佈留言