一週動畫雜感 (26/11-2/12/07)

death note (animax #27-28)

唔係嘛!  竟然又重播之前一集，咁就變成完全重播前一個星期六tvb所播的集數! 係咪買片時有協議唔可以快過tvb播完，所以就係咁拖? (原來係下星期tvb因為播歡樂滿東華而暫停death note)

依家變成翻譯比較，可能睇tvb時冇留意，到睇animax時先知月叫海砂代替他做奇拿繼續殺人。 海砂都幾可憐，做月的出氣袋。

彩雲國物語 (#31-31)

秀麗已經不再受人妖迷惑了!  就算要日日見住人妖，但依然可以一如故我咁做自己要做的事，真是太好了!  秀麗面對仲障的威脅時全無退縮，除了是對身邊的人非常信任外，亦因為到了如此緊急關頭先至去懷疑也無濟於事。

keroro軍曹 (#137-138)

"愛和悲傷的打邊爐"令我想起了動物橫町! (劇中漫畫"愛和悲傷的呼叫")  唔講都唔記得有學校的新聞部 & 有個暗戀冬樹的女同學。

death note (tvb #29-30)

海砂雖有超性感打扮，但其實已淪大配角吧!

其實只有4本death note，一本係流克自己，一本俾返另一個死神斯多，一本又俾咗搜查總部，而月手上餘下的一本，之後又要俾魅上，咁月便沒有筆記在手?

夜神局長真是個悲劇的角色。 流克說他幸福，其實是因為到死時他仍然可以相信月不是奇拿吧!

模木&相潭實在唔應該係總部談論懷疑月是奇拿的事，就算月不在，他們難道不怕月裝了偷聽器嗎?  而松田明明是有點支持奇拿，為什麼之後他又會...?

月好像以前對L一樣，因為受不住N挑釁，竟然走去要脅美國總統，搞到發動奇拿支持者去踢竇咁誇張，想人唔懷疑都很難!