商場冇電話

今晚跟媽媽去逛荃灣廣場，因事失散，咁啱我的手機冇電，於是去找收費電話。 問吉之島的職員，她說冇得借電話(其實我都冇話要借)，唔知商場有冇得借電話，叫我去酒樓借。 之後我見到5樓有商場職員，問是走上去問，他說要到地下的客戶服務部借，而客戶服務部是收10pm的，但那時距離10pm只有15mins，我即刻面黑，非常不滿咁話"真係好彩我隻腳冇事"。

去到客戶服務部，他們竟然未夠10pm就已經收埋個電話，仲一邊食住野，一邊找電話。 之後終於聯絡了媽媽。 用完電話之後，我去質問個女職員問個商場完全裝修好之後會不會有收費電話，她說"沒有呀!  我們會提供電話給客人借用到10pm的"，我問10pm之後點算，她說可以出去外面的便利店找電話，我跟住就話出面最近的7仔係冇電話的，之後她就冇聲出。 最後我都費事再同佢爭論，面黑黑咁講咗句"個商場咁都得"就走。 雖然她的語氣不是沒禮貌，但卻是一副公式、冷淡口吻，完全沒有絲毫"對不起顧客，麻煩了你不好意思"的意思，感覺就是"公司政策係咁架啦! 你死心啦!"!  既然身為客戶服務員，還請你表現出應有的專業態度吧! 

唉呀!  雖然話按統計，每1個香港人就起碼有1部手機，但實情是唔係真係人人都有手機，而且手機都會冇電。 所以電話亭依然是必須的，尤其是服務業(即商場 & 商舖)，更加應該為顧客提供應有的服務。 用"客戶服務部借電話"來代替安裝收費電話是可以，但客戶服務部總不應該比商場/內裡的店舖早關門吧!  而吉之島本身是家大百貨公司，難道借個電話都不可以嗎?  它以前是有幾個收費電話的。 若非真是有必要，你認為有人會喜歡放下面子去請求借用電話嗎?