2008年春季日劇 「CHANGE」

木村的新劇終於都播了，真是等到頸長。  雖然是以政治為題材，但一點也不沉悶呢!  而且睇得好緊張，睇完之後仲好想睇下一集呢!

演員方面，木村演一個爆炸頭+大眼鏡的笨笨地的小學教師，都好似呢!  不過最突出還是深津繪里，一出場就覺得"靚咗呢!"，加上她演一個有幹勁、活力 & 能幹的秘書，整集令人印象深刻。 而阿部寬就演一個很有經驗的選舉策劃員，一出場就好壓場，加上一開始就跟深津針鋒相對，有火花呢!  (我都估到他唯一的1敗就是自己參選落敗呢!)  至於加藤羅莎就演一個對木村好感興趣的選舉宣傳大使，會是深津的情敵嗎?

第一集木村終於當選了國會議員，究竟一個笨笨的小學教師如何成為首相呢?  加上身邊有一班老謀深算(?)的政治家，他會否只是別人的扯線公仔呢?  而且好想知他跟深津會否有感情發展呢?

不過，第一集的收視比仲間的低，大家就話什麼木村神話破滅，其實以政治為題材的劇集一直收視都不會很高，因為觀眾只想看輕鬆的劇集。 現在有超過20%的收視率，已經非常好(一般劇集有百分之十幾已經很好)。 而且現在只是第一集，希望之後收視會持續上升吧!

今季都只會睇這套，雖然之前話會睇其他，但現在實在沒什麼餘暇(工作旺季來了)，正在追看的動畫有8套，其中3套仲要連播兩集(1小時)，之後仲有一套"少年陰陽師"想睇，TVB的日劇有2套，其中大奧華之亂又是連播兩集(2小時)，加上兩套西劇，還有星期一至五必睇的"同事三分親"，仲有2個綜藝節目，另外又想睇之後播的港劇"師奶股神"，時間真是不夠用呢!