Iron Man 鐵甲奇俠

今次都係去圓方的the grand cinema睇，因為有折，點知原來這套戲冇優惠，但website都冇寫...，仲要買剩前3行，去到又冇理由唔睇，還要買飛的時候講錯中文戲名。 好淤呀!

最後我們座前面第3行旁邊數入第3 & 4個位，勉強都仲可以一眼望晒全個銀幕，不用望左望右，但是睇"極速賽車手"的tailer就睇到眼花+標眼水。  幸好這套戲冇咁花巧，睇得唔辛苦。

上年睇雜誌已介紹這套戲，除了因為是荷里活大製作的娛樂片而想睇外，robert downey jr & gwyneth paltrow 的男女主角配搭都是原因之一。 robert好少演商業片，而gwyneth結婚生仔之後都好少拍戲，今次大家同樣肯拍這套戲，已經令觀眾覺得這套戲應該唔會太差。  有時在未知劇情的情況下，吸引的卡士就是對觀眾的信心保證。

我對原作一無所知。 覺得主角tony跟batman有點似，大家同樣是富家子弟，有錢的企業家，不過tony是科學天才，又比較高調 & 幽默，而且沒有batman的自小家破人亡的陰影，只因自身遇上巨變，而有所覺悟。  tony遭綁架前只知研發大殺傷力武器，以武制武，但遭綁架之後，令他發現敵人同樣拿着自己的武器來殺自己國家的人。  不過，幸好tony天生樂觀積極，所以才可以自救 & 成為救人的英雄。  robert真是很適合演這個角色，因為大家都有曾經滄海的經歷吧!  現已改過自身(?)，發憤向上。 

講真gwyneth的女助手角色發揮不是很大。  不過很喜歡他們那帶點火花的對話，今集他們只是表明互相對對方有好感，下集才會正式開始發展吧!  (一定有續集的)

整套戲當然娛樂性十足，而笑點主要來自tony & 他那蠢蠢的人功智能手臂吧!  至於特技方面，主要是tony那個3D投影電腦、飛天 & 打鬥場面，反而那副鐵甲裝就很真實(當然啦!  是實物來的)。  其實都估到tony身邊拍檔有古怪，因為世上實在很難得會有父親的拍檔會咁幫自己。

其實本片都有點反戰 & 反美國出兵的意思(e.g. 軍火商才是戰爭中的唯一勝利者; 很多年青美軍很簡單的被奪去性命)，只是說教味不重。

出credit前有字幕出話片尾仲有野睇，原本都有好多人等，但當graphic credit之後，大家見仲有正式credit要出，就一哄之散，最後只有約廿幾人等到完場。  最後那幕就是森姆積遜扮演的SIEDIE(一定串錯!?)主管出場講幾句，主要就是話俾大家知會有續集!!!

這套只是為連串暑期大片的登場揭開序幕，之後還有batman: the dark knight & 奪寶奇兵4排住隊上呢!!!  (華語片無視)

官網: http://ironmanmovie.marvel.com/